vaxtlı-vaxtında oxuyun! Cümə, 29 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Seyid Cəfər Pişəvəri (1892 - 1947)

«Haqqı almaq asan bir işdir, onu saxlamaq şərtdir»

Seyid Cəfər Pişəvəri (1892 - 1947)
AKTUAL  
12:43 | 6 iyul 2022 | Çərşənbə Məqaləyə 795 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

“Tətil günü nəzarət zəif olub”

SEPAH 5 gün əvvəl “Bəsic” qərargahındakı partlayışa münasibət bildirdi

MÖVZU İLƏ ƏLAQƏLİ

İran İnqilab Keşikçiləri Korpusunun (SEPAH) baş komandirinin müşaviri və İran parlamentinin üzvü İsmayıl Kosəri bir neçə gün bundan öncə qurumun Tehranda əsas bazası sayılan yarımhərbi “Bəsic” təşkilatının mənzil-qərargahında baş verən partlayış barədə açıqlama verib.

O, “Malik Əştər” adına “Bəsic” qərargahında iki əldə qayırma bombanın partladıldığını və bundan video çəkilərək təbliğat vasitəsi kimi istifadə edildiyini deyib.

“Xarici amillər nəzarət altında olduqları üçün buna cürət edə bilməzdilər. Onların içəridəki adamları tətil günü olduğu və gecə qaranlığından istifadə edərək buna əl atıblar”, – deyə Kosəri bildirib.

Kosərinin “tətil günü olduğu üçün nəzarətin az olduğu” fikri sosial media istifadəçiləri tərəfindən geniş müzakirələrə səbəb olub.

Onlar Tehranda ən önəmli hərbi bazalardan sayılan bir yerin tətil günü olduğu üçün nəzarətsiz buraxılması fikrini gülüşlə qarşılayıblar.

***

İyulun 1-i yerli vaxtla saat 21:15-də İran İnqilab Keşikçiləri Korpusunun (SEPAH) “Malik Əştər” qərargahına hücum olub. Tehranda əsas bazası sayılan yarımhərbi “Bəsic” təşkilatının mənzil-qərargahında iki partlayış baş verib. Sosial mediada yayılan görüntülərdən qərargahda bir neçə dəfə partlayış səsinin eşidilyi, ardınca yanğın baş verdiyi müşahidə olunur.

“SEPAH” qərargahında partlayışların baş verməsi İsrail qaynaqları tərəfindən də təsdiq edilib və partlayışın bundan öncə İranın nüvə obyektlərinə dron hücumlarına oxşadığı bildirilib.

Hadisədən bir gün sonra hökumətə müxalif İran Xalq Mücahidləri Təşkilatı partlayışın məsuliyyətini öz üzərinə götürüb.