“İran artıq etirazlardan öncəki olmayacaq”
Türkan Bozqurt: “Türk qadın ilə bir fars qadının yaşadığı problemlər eyni deyil”
Əlirza QULUNCU
MÖVZU İLƏ ƏLAQƏLİ
-
Pişəvərinin ölümü!
Yaxud erməni terroru yoxsa Sovet kəşfiyyatının əməliyyatı
-
Cənubi Azərbaycan düyünü ...
Dövlətin adını Şimali Azərbaycana dəyişmək bunu açacaqmı?
-
Dövrünün nadir incəsənət adamı
Bənzərsiz qələmi olan rəssam, tayı-bərabəri olmayan nəqqaş və əvəzsiz tərrah
-
... “Səhər”in səsi
Məhəmməd Kazım Şəriətmədari haqda bir müsahibə ilə xırp kəsiləcək ...
-
Güneylilər Bakıda
Keçici Milli Məclisinin Təşkilat Komitəsinin üzvləri siyasi partiyalar və QHT-lərlə görüşəcək
-
Teatr işçiləri hicabdan imtina edib
“Şou bitəcək və həqiqət üzə çıxacaq”
-
Adı qalaya verilən sərkərdə
Milli qəhrəman Kazım Xan Quşçu kimdi?
-
Güneylə 90-cı illərin Quzeyi
Bugünkü müzakirə və gəlişmələr öz sözünü mütləq deyəcək
-
Güney Azərbaycanda fəlakət
Hirkan meşələri dördü gündür yanır
-
Prezidentdən mühüm mesajlar
Brüssel görüşündən imtina, İrana gözdağı, Zəngəzur dəhlizi ilə bağlı yekun fikir
-
O tayın və bu tayın lideri
İlham Əliyev Helmut Kolun yolunu gedir – hamını inandırmaq
-
Gərgin mərhələyə qədəm qoyuruq
“Güney azərbaycanlıların hüquqları məsələsi İranın daxili işidir” dövrü geridə qaldı
-
Güneydə ümummilli aksiya təyin olundu
21 Azər hərəkatına hazırlıq gedir
-
Pezeşkiyan rejimə səsləndi
Təbrizli millət vəkili etirazçıların səsini eşitməyə çağırdı
-
Təbrizdə dərman çatışmır
Xammal yoxdur, müəssisələr bağlanır, bahalaşma gözlənilir
-
AzTV aktivləşib
Dövlət televiziyasının sosial şəbəkələrdə paylaşımları və baxış sayı kəskin çoxalıb
Feminist fəal Türkan Bozqurd İranda 4 həftədir davam edən və qadınların başçılıq etdiyi kütləvi aksiyaları dəyərləndirib. Bozqurdun sözlərinə görə, bu etirazlar İranda bir siyasi dəyişikliklə nəticələnməsə də, cəmiyyətdə böyük dəyişikliklərə yol açacaqdır. O, İranın artıq bu etirazlardan öncəki İran olmayacağını vurğulayır.
“Biz bu etirazlarda tutulanların arasında da görə bilirik ki, çoxu gənclərdir. Yaşlarına baxdığımız zaman 14, 15 və 16 yaşındakı uşaqları görürük. Baxdığımız zaman bu Z quşağı (nəsli) dediyimiz qrup dünyanın hər yerində özlərini siyasətə qatırlar, özlərini etiraz aksiyalarına, çevrə məsələlərinə qatırlar. Çünki, deyirlər bu bizim dünyamız və bizim savaşımızdır”, – gənc fəal söyləyir.
Bozqurd deyir ki, hazırda İranın müxtəlif bölgələrində küçə etirazlarına qatılan gənclər və yeniyetmələr necə bir həyat yaşamaq istədiklərini çox yaxşı bilirlər: “Bu uşaqlar, bu gənclər istər Türkiyə, istə Azərbaycan, istərsə Qərb mediası olsun, bunlarla böyüyüblər. Oradakı azadlıqları bilirlər. Bəlkə Qərbdən çox daha yaxşı bilirlər. Amma, o azadlıqların heç birini yaşaya bilmirlər... Bunlar İran-İraq savaşını görmüş, qorxuları olan və enerjisi azalmış o nəsil deyil. Bunlar enerjili və həyatlarının ən başındadırlar. Bilirlər ki, necə həyat yaşamaq istəyirlər. Bunların istədiyi barışçıl bir həyatdır. Onlar gedib hərəsi öz köşəsində savaşmır və ya öz köşəsində oturmur. Barışçıl bir gələcək düzəltmək üçün əl-ələ verməyə çalışırlar. Buna görə də, İranın fərqli yerlərindən insanlar buna qatılır”.
Türkan Bozqurd gənclər və yeniyetmələrin ilk dəfə olaraq İran siyasətində bu qədər aktiv rol oynadıqlarına diqqət çəkərək əlavə edir ki, “bu, artıq İranın əski İran olmayacağı anlamına gəlir. Bu, siyasi olaraq inqilabi bir dəyişiklik olmasa da, cəmiyyətin böyük dəyişikliklərdən keçəcəyi anlamına gəlir”.
Feminist fəal hazırkı etirazlarda bundan əvvəl təşkil olunmuş kütləvi aksiyalar ilə müqayisədə toplumun daha çox kəsimlərinin yaşadığı problemlərin səsləndirildiyini qeyd edir.
“İndiyə qədər İrandakı etiraz aksiyaları fərqli insanların fərqli problemləri ilə bağlı idi. Ancaq, indiki etirazlarda ilk dəfədir ki fərqli kəsimlərdən bu qədər insanı bir arada görürük”, – Kanadanın Toronto şəhərində yaşayan urmiyalı fəal söyləyir.
O, qadın məsələsinin İranda yaşayan bütün etnik icmaların məsələsi olduğunu ifadə edir: “Hicab məsələsi və ya qadının aşağılanması İranda bütün kültürlərin, fərq etmir istər türklər olsun, bəluçlar olsun, lurlar olsun, istər farslar olsun, bunların hamısının yaşadığı və birinci əldən təcrübə etdikləri bir mövzudur. Əlbəttə ki, kəsişməli və ya interseksional (feminizm) aspektindən baxdığımız zaman bir türk qadın ilə bir fars qadının yaşadığı problemlər eyni deyil. Məsələn, bir fars qadının yaşadığı problem hicab məsələsi olsa, bir türk qadının yaşadığı problem həm də dil məsələsidir. Hicab məsələsi fərqli yerlərdə fərqli dərəcələrdə insanların həyatında basqı yaradır”.