Alimlər kəşf ediblər ki, günəşdən gələn istilik atmosfer temperaturunun dəyişməsinə səbəb ola bilər və bu da seysmik aktivliyə gətirib çıxarır.

Yaponiyanın Tsukuba Universiteti və Qabaqcıl Sənaye Elmləri və Texnologiyaları Milli İnstitutunun tədqiqatçıları “Chaos” (Xaos) elmi jurnalında dərc olunan yeni araşdırmaya əsasən, günəş istiliyinin Yerin tektonik aktivliyinə mümkün təsirlərini araşdırıblar.

Tədqiqatçılar zəlzələ məlumatları, günəş aktivliyi və səth temperaturu əsasında riyazi modelləri tətbiq etməklə müşahidə ediblər ki, günəş istiliyi atmosfer temperaturunda dəyişikliklərə səbəb olur ki, bu da süxurların xüsusiyyətlərinə və yeraltı suların hərəkətinə təsir göstərə bilər.

Tədqiqat qrupundan biri olan Mateus Enrike Junkeyra Saldanya, günəşdən gələn istiliyin atmosferin temperaturunu artıra biləcəyini, qayaları kövrək və çatlamağa meyilli etdiyini vurğuladı.

Saldanya həmçinin qeyd etdi ki, günəşdən gələn istilik yeraltı suların hərəkətinə səbəb ola bilər, tektonik plitə sərhədlərində təzyiqi dəyişdirə bilər: “Bu məntiqlidir, çünki istilik və su daha çox yer qabığının yuxarı təbəqələrinə təsir göstərir. Bu amillər zəlzələlərin əsas hərəkətverici qüvvəsi olmasa da, seysmik aktivliyi proqnozlaşdırmağa kömək edə bilər”.

Digər tərəfdən, bu araşdırmanın səthə yaxın zəlzələlərin proqnozunu asanlaşdıra biləcəyi ifadə edilir.