11:16 | 29 oktyabr 2012 | Bazar ertəsi
Məqaləyə 2802 dəfə baxılıb
Şriftin ölçüsü
«Qaçın!»
(Polisin dağıtdığı mitinqdə qaçmağı özünə ar bilən cavanlara)
Azər QARAÇƏNLİ
MÖVZU İLƏ ƏLAQƏLİ
-
45 dəqiqəlik işi 8 saniyəyə görüb
ABŞ-da polis hesabatlarında süni intellektin istifadəsi reaksiya doğurdu
-
Kolumbiyada terror təhlükəsi
Polisin basqın etdiyi evdən çoxlu partladıcı maddə tapılıb
-
Çevriliş planında rus barmağı?!
Həbs olunanlar 28 nəfərdən biri Rusiya vətəndaşıdır
-
27 saatda 260 dəfə zəng
Polis ələ salıb təhqir edən şəxs həbs olundu
-
Bakıda polisə növbəti hücum
Davalarla məşhur olan «Oazis» restoranında yenə hüquq-mühafizə orqanı əməkdaşını yaraladılar
-
Polis cinayətkarı sərbəst buraxıb
Oğurluq üçün girdiyi evdən çıxa bilməyən şəxs 112-dən yardım istəyib
-
«Onu həbs etməyin heç kəsə xeyri olmazdı»
Kanadalı polisin mağazadan geyim oğurlayan gəncə qarşı elə bir davranış sərgilədi ki?
-
«Başqa hallarda ixtiyarı yoxdur»
Adi polis hansı durumda yol hərəkəti qaydasını pozan sürücünü saxlaya bilər?
-
«Dubinka ilə döydülər, təpiklədilər»
DİN Lənkəranda özünü polis idarəsinin pəncərəsindən atan qadın: «Rəis dedi ki, onu aparıb toka qoşun»
-
Polis metroda siqaret çəkirsə...
Ət iylənəndə ona duz vurarlar, bizdə isə duz iylənib
-
3 ton heroinin qüruru
Dəyəri milyonlarla olan narkotikin tutmaqla fəxr edən Gürcüstan DİN-i
-
Polisin turizmə «töhfə»si...
... və ya DİN əməkdaşlarının ölkəni biabır edən özbaşınalığı
-
Rəis kabinetində öldü
Hüseyn Qarayev ürəyindən şikayətlənirmiş
-
Polislər «Sovetski»də keşik çəkir
Rəisi isə məhəllədə qərargah qurub
-
ABŞ səfirliyinə basqın cəhdi
Postda olan polis fiziki xəsarət alıb
-
«Qiyamət «hallüsinasiya»sı»
Tanrı polisin dəyənəyindən qaçan heç bir kəsi qınamır. Harda görsəniz ki, polisin dəyənəyi sizə dəyə bilər, qaçın! Adamların qınağına baxmayın, adamlar yanıla bilərlər. Siz Tanrıya baxın. Tanrı polisin dəyənəyindən qaçan heç bir kəsi qınamır.
Harda polisin dəyənəyi sizə dəyə bilərsə, qaçın.
Tanrı heç vaxt yanılmır.
Tanrı sizin özünüzü qorumağınıza pis baxmır.
Mən sizə heç kimin demədiyini deyirəm.
Həmişə şərə qarşı olun, amma özünüzü qoruyun, imkanınız çatsa, başqalarını da qoruyun.
Harda polisin dəyənəyi sizə dəyə bilərsə, qaçın. Başqalarına da qaçmağa kömək eləyə bilərsizsə, eləyin.
Adamların qınağına baxmayın, adamlar yanıla bilərlər.
Mən sizə heç kimin demədiyini deyirəm.
Mən sizi qorumaqdan ötrü öz şöhrətimdən imtina eləmişəm.
“İmtina” balaca sözdü, mən sizi qorumaqdan ötrü öz şöhrətimə tüpürmüşəm.
Mən sizin ağrılarınız üstündə gələn hər bir şöhrəti rədd eləyirəm.
Mən bunu sizin bütün həyatınızı öz şöhrətinə qurban verməyə hazır olan adamların arasında ola-ola eləyirəm.
Qoymayın şöhrət görməmişləri sizin ətinizi yesinlər. Özünüzü qoruyun. Küyə getməyin.
Həqiqəti deməkdən, bir də doğru olanı eləməkdən çəkinməyin. Fikirləşməyin ki, adamlar sizi qınaya bilər, şöhrətiniz azala bilər. Rədd olsun o şöhrət! Onu rədd eləyin.
O şöhrət Tanrıdan yox, şeytandan gəlir. Mən bunu öz şöhrətimin başqalarının ağrıları üstündə gəldiyini duyanda başa düşmüşəm. Mən bunu öz şöhrətimi həqiqətə qurban vermək istəmədiyimi görəndə başa düşmüşəm.
Şöhrəti yox, həqiqəti seçin.
Sözün düzünü deməkdən qorxmayın. Adamların qınağından qorxmayın. Düz olun, düz əyrini kəsir.
Harda polisin dəyənəyi sizə dəyə bilərsə, qaçın. Bu, doğru hərəkətdi, doğru olanı eləməkdən çəkinməyin.
Mən sizə heç kimin demədiyini deyirəm.
Siz düz yoldasınız. Tanrı sizin şərə qarşı çıxmağınızı alqışlayır.
Tanrı sizi alqışlayır, amma gərək özünüzdən də muğayat olasınız.
İmkan verməyin şeytan qarovulçuları sizi dəyənəkləsin.
Gördünüz üstünüzə polis gəlir, qaçın.
Qaçın! Tanrı sözün düzünü deməkdən çəkinməz. Mən də Tanrıya qoşulub sizə düzünü deyirəm.
Tanrı sözün düzünü deməkdən utanmaz.
Mən utanmıram.
Siz də utanmayın – harda polisin dəyənəyi sizə dəyə bilərsə, qaçın.
Şöhrəti düşünməyin, şöhrəti düşünmək şeytandan gəlir.
Şöhrəti düşünən – şərə qarşı mübarizəsində səmimi ola bilməz.
Şöhrəti düşünən nə biləcək niyə şərin əleyhinə çıxır – adamlar onu tərifləsin deyə, yoxsa ürəkdən şərin əleyhinə olduğuna görə.
Adamların sizi tanımağını neyləyirsiz, qoy sizi Tanrı tanısın.
Adamların sizi şöhrətləndirməyini neyləyirsiz, qoy sizi Tanrı şöhrətləndirsin.
Şöhrəti düşünməyin ki, şöhrətiniz Tanrıya çata bilsin.
Polisin dəyənəyindən qaçmayanda da heç olmasa bunu şöhrətə görə yox, adamların qınağına görə yox, eləcə özünüz belə qərara gəldiyinizə görə eləyin.
Amma belə eləməyin.
Mən sizə heç kimin demədiyini deyirəm.
Harda polisin dəyənəyi sizə dəyə bilərsə, qaçın!
Tanrı polisin dəyənəyindən qaçan heç bir kəsi qınamır.
