11:34 | 30 may 2012 | Çərşənbə
Məqaləyə 2683 dəfə baxılıb
Şriftin ölçüsü
«Klinton gəlir»
Səbinə ƏVƏZQIZI
MÖVZU İLƏ ƏLAQƏLİ
-
36 illik ənənənin pozulması baha başa gəldi
“Namizədi dəstəkləmək yalnız müstəqil olmama hissi yaradır”
-
“İkinci NATO” olmayacaq
Dehli Tokionun təklifi ilə razılaşmır
-
Türkiyə Afrikada möhkəmlənir
Ankara 20 il ərzində səfirlik sayını 3 dəfəyə yaxın artırıb
-
Hollivudda ikinci Epstein zəlzələsi
Çılğın ziyafətlərin qaranlıq tərəfləri – fahişəlik şəbəkəsi, zorakılıq...
-
... 20 milyon dollar mükafat
İranlı zabitin həbs olunmasına kömək edəcək məlumat üçün ...
-
Kiçik adada gəmirici həyəcanı
Hər yerdə siçovul ovuna çıxıblar
-
Qəddar, ağrılı və işgəncəli
Azot qazı ilə edam mübahisələrə səbəb olub
-
Vaşinqtondan Kiyevə silah icazəsi çıxmadı ...
... Amma Putinin nüvə təhdidinə daha ağır cavab verildi – kaset bombalar
-
Kremldən hədə dolu açıqlama
“Rusiyanın nüvə doktrinasında yeniliklər Qərbə siqnaldır”
-
Ədliyyəyə atılan çanta partladı
20 yaşlı şübhəlinin xəsarət almadığı hadisədə 6 nəfər yaralanıb
-
Ölümdən döndülər ...
... 2 nəfər yaralandı
-
Saatda 19 km sürətlə irəliləyir
ABŞ və Meksikada 3 qasırğanın olacağı gözlənilir
-
Ərdoğandan nümayişkaranə addım
Baydenin şam yeməyinə qatılmayıb
-
312 trilyon dollar borc
Qlobal borclar ilin birinci yarısında 2,1 trilyon dollar artıb
-
“Birqütblü hökmranlıq” ittihamı
Şimali Koreya ABŞ-ın Sakit okeandakı strategiyasından narahatdır
-
ABŞ-da qaradərili imam edam edilib
Prokurorların onun günahsız ola biləcəyini deməsinə baxmayaraq, məhkəmə irqçi hökmə imza atıb
ABŞ-ın dövlət katibi Hillari Klintonun iyunun 6-da Azərbaycana səfər edəcəyi gözlənilir. Bu barədə Dövlət Departamentinin sözçüsü Viktoriya Nuland məlumat yayıb.
Səfərin təxirə salındığı barədə yayılan xəbərləri isə ABŞ-ın Azərbaycandakı səfirliyinin İctimaiyyətlə əlaqələr şöbəsinin nümayəndəsi Mehdi Hüseynquliyev qəzetimizə açıqlamasında təkzib edib.
ABŞ dövlət katibinin regiona səfəri çərçivəsində Dağlıq Qarabağ münaqişəsinin həlli prosesi, energetika və təhlükəsizlik məsələləri əsas müzakirə mövzuları olacaq.
Hillari Klintonun Prezident İlham Əliyev və Vətəndaş Cəmiyyətinin liderləri ilə görüşləri nəzərdə tutulub.
Onu da qeyd edək ki, ABŞ-ın baş diplomatı iyunun 4-də Ermənistana, iyunun 5-də isə Gürcüstana səfər edəcək. Xanım Klintonun səfər proqramının Azərbaycanda yekunlaşması xüsusi önəm daşıyırmı? ABŞ dövlət katibinin regiona səfəri nələri dəyişəcək? Hazırda bu suallar xeyli aktualdır.
Azərbaycan Demokratik İslahatlar Partiyasının sədri, millət vəkili Asim Mollazadə hesab edir ki, səfər Azərbaycan üçün çox əhəmiyyətlidir: “Türkiyə, Gürcüstanla yanaşı, Azərbaycan regionda ABŞ-ın ən etibarlı müttəfiqlərindən biridir.
İkitərəfli münasibətlərin hazırkı durumunu yüksək qiymətləndirmək olar. Bu münasibətlərin artıq 20 illik tarixi var. 20 il keçdikdən sonra istər qlobal təhlükəsizlik, istər enerji təhlükəsizliyi sahəsini götürsək, Azərbaycan və ABŞ arasında etibarlı tərəfdaşlığın qurulduğunun şahidiyik”.
Maraq doğuran suallardan biri də budur ki, bu səfər hazırda ABŞ-la gərgin münasibətlər yaşayan qonşumuz İranı qıcıqlandıracaqmı? A.Mollazadə deyir ki, Azərbaycan müstəqil ölkədir və kimlərlə münasibət quracağını özü müəyyənləşdirir.
Hələ ki, H.Klintonun Azərbaycan və Ermənistandakı proqramına müxalifət təmsilçiləri ilə görüşlərin daxil edildiyinə dair heç nə deyilmir. Yalnız bildirilir ki, o, Gürcüstanda vətəndaş cəmiyyətinin üzvləri ilə yanaşı, “siyasi xadimlərin geniş çevrəsi” ilə də görüşəcək.
Bakıya səfərini başa vurduqdan sonra ABŞ dövlət katibi Türkiyəyə yola düşəcək. Orada H.Klinton terrorla mübarizəyə dair İstanbulda təşkil ediləcək qlobal foruma həmsədrlik edəcək, habelə Türkiyə rəhbərliyi ilə ikitərəfli görüşlər keçirib İran, Suriya və digər aktual məsələləri müzakirə edəcək.
