15:12 | 28 noyabr 2013 | Cümə axşamı
Məqaləyə 5585 dəfə baxılıb
Şriftin ölçüsü
4 min mühafizəçi SOCAR-dan qovulur
Rəsmilərsə məlumatı təkzib etdi
İlahə, Virtualaz.org
MÖVZU İLƏ ƏLAQƏLİ
-
İslahatlara ehtiyac var
Ekspert Rövnəq Abdullayevin SOCAR-da yaratdığı qohumbazlığa etiraz etdi
-
Rövnəq Abdullayev neftdən uzaqlaşdırıldı
Onun vəzifələrini SOCAR-a birinci vitse-prezidenti təyin edilən Rövşən Nəcəf icra edəcək
-
700 neftçi təxliyə edilib
SOCAR: “İşlər dayandırılıb və məhdudlaşdırılıb”
-
Dalana dirənən futbol...
... Yaxud sorağı gəlməyən istedad
-
SOCAR Neft Fondunu necə “sökür”?
-
AFFA-da təcili iclas
Hesabat verməli olan adam hesabat istədi
-
Bahalı əcnəbi sevdası
Qanun pozuntusu yoxdur, amma korrupsiya var
-
Lixtenşteyn…
... Yaxud 21 rəqəminin uğursuzluğu
-
Rəhmətlik futbolumuz ...
... Yaxud AFFA-nın qurbanı olanlar üçün sayğı duruşu
-
SOCAR zavod alır?
“Rusiya bazarı çox böyükdür və bizə maraqlıdır”
-
“Pulumu verin”
Səbr kasası daşan Nazarovun AFFA-dan tələbi ...
-
Rövnəq Abdullayev gedir
“Onunla sorğu-sual aparılacaq”
-
Diplom sahibinin məsuliyyətsizliyi...
... Yaxud AFFA Kosovonu niyə seçdi?
-
Qurban Qurbanova növbəti badalaq
Çünki azərbaycanlıdır, bu ölkəni düşünür, həqiqətən iş görmək istəyir...
-
SOCAR-da korrupsiya qalmaqalı
İsgəndər Şirəliyev tresti ailə şirkətinə çevirib
-
«Komandaların sayının artmasını istəyirəm»
Qurban Məmmədov: «Bütün bunları dərhal yoluna qoymağımız mümkün deyil»
Dövlət Neft Şirkətinin (ARDNŞ) Təhlükəsizlik İdarəsi bağlanır. 4 min işçi ixtisara salınır. Bu məlumatı adıçəkilən idarədə işləyənlər veriblər. Mühafizə xidmətinin işçiləri deyiblər ki, onlara özlərinə başqa yerlərdə iş tapmaq üçün iki-üç ay vaxt verilib.
Daha çox «ARDNŞ Mühafizə Xidməti» adı ilə tanınan Təhlükəsizlik İdarəsinin işçiləri bildiriblər ki, onlar bu xəbərdarlıqdan narahatdır, çünki işsiz qalacaqlar: «Bizə vaxt veriblər ki, özümüzə iş yerləri tapaq. Heç yerdə iş salıb itirməmişik ki, onu tapaq da. Hara gedəcəyik? Hərəmizin bir çətən külfəti var. 4 min işçinin ailə üzvlərini də üstlərinə gəlsək, belə çıxır ki, ARDNŞ prezidenti Rövnəq Abdullayevin bu qərarı nəticəsində ən azı 20 min insan ac qalacaq».
ARDNŞ Təhlükəsizlik İdarəsinin işçiləri ən yaxşı halda Bakıdakı yaşayış binalarının və obyektlərin tikintilərində iş tapa biləcəklərinə ümid edirlər. Nəzərə alsaq ki özəl şirkətlərin tikinti bumu seyrəlib, onda bu ümidlərin doğrulacağı da sual altına düşür.
ARDNŞ işçilərinin verdiyi digər məlumata görə, Təhlükəsizlik İdarəsi ləğv olunandan sonra hazırda fəaliyyət göstərən 36 komandadan 11-i saxlanılacaq. Həmin komandalar isə «Pro-Sekurity» adlı mühafizə şirkəti ilə müqavilə əsasında yenidən işə götürüləcək.
Yada salaq ki, Təhlükəsizlik idarəsinin işçiləri həm Dövlət Neft Şirkətinin, həm də müqavilə əsasında özəl neft strukturlarının mühafizəsi ilə məşğul olur. Onlar əsasən şirkətin strateji obyektlərinin mühafizəsinə cavabdehlik daşıyırlar. Aylıq məvacibləri 350 manat civarındadır.
Dövlət Neft Şirkətinin mətbuat xidmətinin rəhbəri Nizaməddin Quliyev isə açıqlamasında xəbəri təkzib etdi: «Yaxın vaxtlarda şirkətin hər hansı idarəsində ixtisar gözlənilmir».
ARDNŞ rəsmisindən əslində elə bu cür rəsmi cavabdan başqa heç nə gözləmirdik də. Onu dərc etməklə yanaşı bunu da vurğulamalıyıq: bu ixtisar xəbərini redaksiyamıza ixtisar olunacaqları barədə konkret rəsmi şəxslərdən konkret xəbərdarlıq alan konkret əməkdaşlar veriblər...
Qeyd edək ki, ARDNŞ-in Sosial İnkişaf Departamenti də bu yaxınlarda ləğv olunub və xeyli işçi ixtisara salınıb. Şirkətin tabeliyindəki «Azəriqaz»da da bir neçə qurumun ləğv ediləcəyi və ixtisarların aparılacağı planlaşdırılıb. «Azəriqaz» əməkdaşlarına bununla bağlı şifahi xəbərdarlıq da edilib. Bunu jurnalistlərlə söhbətində qurumun əməkdaşları deyiblər.
Qeyd edək ki, bu ixtisarlar əslində neft gəlirlərini gözlənilən azalması ilə bağlıdır.
