Məktəbə hücuma hazırlaşan uşaq həbs edildi
Evindən silah arsenalı tapıldı
15:12 | 4 avqust 2012 | Şənbə
Məqaləyə 3393 dəfə baxılıb
Şriftin ölçüsü
«Gücümüz uşağa çatmasın»
Fərəh SABİRQIZI
MÖVZU İLƏ ƏLAQƏLİ
-
-
Fransa küçələri uşaqlarla dolu
Hökumətin küçədə tək bir uşaq belə qalmayacaq vədi fiaskoya uğradı
-
Embrionlara İQ testi
Silikon Vadisindəki rəhbərlər “ağıllı uşaqlar üçün böyük məbləğ ödəyir”
-
Uşaqlara Adolf adı verilə bilinərmi?
Almaniyada körpə qoyulması qadağan olunan adlar
-
Gənclər 5 ildir azalır
Türkiyənin əhalisi 3 ayda 90 min nəfər artdı
-
Gələcəyimizi qoruyun!
Bir animasiya təhlükəni bundan gözəl izah edilə bilməzdi
-
Əmizdirmə xərçəngdən qoruyur
Ana südü körpəyə xeyirli olduğu kimi ananı da qoruyur
-
ƏRƏB ADLARI
Uşaqlarına yalançı cənnət, çəpgöz, büt, yoxsul, dərd yağdıran mənasını verən isimlər qoyanlar
-
Çamadanda uşaq qaçırmaq istədilər
Sürücü və sərnişinlərin sayəsində azyaşlı qız xilas edilib
-
“Körpənin cinsiyyəti şansa bağlı deyil”
Doğulan uşağın cinsiyyəti ananın yaşı və bəzi genetik amillərlə əlaqəli ola bilər
-
18 illik həsrətə son
Süni intellekt sayəsində uşaq sahibi olacaqlar
-
Çinin “qaranlıq həqiqəti”
ABŞ və Böyük Britaniyada minlərlə körpə cütlüklərə satıldı
-
Həddindən artıq istilər vaxtından əvvəl doğuşa səbəb olur
Aztəminatlı və yaşıllıq olmayan ərazilərdə yaşayanlar üçün risk 2 dəfə çoxdur
-
İtirdikcə böyüdük
Bütün etiraflar yalan idi
-
Saat yarım ərzində iki litr su içib
Hollandiyada həddindən artıq maye qəbul edən 7 yaşlı uşaq zəhərlənib
-
Fransada sirli epidemiya
1 uşaq dünyasını dəyişib, 17 uşaq müalicə olunur
Evimizin yaxınlığında iki uşaq bağçası var. Hər səhər pəncərənin qabağından balacaların səsini eşidirəm. Bağçaya getmək istəməyən, ayaqlarını yerə çırpan, mızıldanan uşaq səsləri. Onları eşidəndə biixtiyar gülümsünürəm, öz qızımın bağçaya getməmək üçün icad etdiyi üsulları xatırlayıram. Amma bəzən uşaqlarla yanaşı, qanqaraldıcı səslər də eşidirəm - körpələrə əsəbiləşib özündən çıxan anaların səsləri.
Bəziləri kapriz edən uşaqlarını sadəcə saya salmır, onlara acı cavab verməklə keçinir. Təbii, balalarını şirin dilə tutanlar da olur. Amma elələri var ki, qışqır-bağırı bütün məhəlləni basır. Ən pisi odur ki, hərdən çığırtılara şapalaq səsi də əlavə olunur... Adi məsum bir əməlinə görə analar uşağı əməllicə çırpır, sillə vurur, hətta küçə ilə sürüyərək bağçaya aparır.
Son vaxtlar bu cür səhnəyə istənilən yerdə, xüsusilə də ictimai nəqliyyatda rast gəlmək olar. Uşaq oturmaq istəməyəndə - bir çimdik, mızıldananda – bir qapaz, ağlımsınanda – daha birisi. Bəziləri körpə ağlamasın deyə əli ilə ağzını tutur, az qala onu boğurlar. Valideynlər, xüsusilə də analar sanki azyaşlı uşaqlara əl qaldırmaqla fəxr edirlər. Hərdən adama elə gəlir ki, böyüklər həyatlarındakı bütün problemlərin acığını uşaqdan çıxır, üzləşdikləri haqsızlıqlara etiraz edə bilməyəndə, güclərini öz balalarına nümayiş etdirirlər. Başqaları evdə uşaq qığıltısı eşitməyin həsrətini çəkəndə, övlad sahibi ola bilmək üçün illərlə müalicələrdə olanda, bunlar Allahın göndərdiyi bu bəxşişin qədrini bilmir.
Qapazaltı insan şəxsiyyət kimi böyüyə bilməz. Gələcəkdə özünə qarşı haqsızlıqlara etiraz edə bilməz. Axı ailədə aqressiya ilə üzləşən körpə böyüyəndə necə mehriban övlad, ləyaqətli insan ola bilər? Son vaxtlar bütün dünyada psixoloqlar həyəcan təbili çalır: təhlükəli manyakların əksəriyyəti uşaq vaxtı ailədə zorakılıqla üzləşən insanlar olur. Aydın məsələdir - hər gün döyülən uşaqdan nə valideynə, nə də cəmiyyətə layiqli və faydalı övlad yetişə bilər.
Bütün bunlardan başqa, uşağa qarşı zorakılıq həm də ciddi qanun pozuntusudur. Övladına əl qaldıran hər bir kəs qanun qarşısında məsuliyyət daşıyır. Buna görə ana-atanı hətta valideynlik hüququndan məhrum etmək olar. Odur ki, bu həddə gəlib çatmamış, əl qaldırmaq istəyəndə düşünün, qarşınızdakının kim olduğu haqda bir qədər dərindən düşünün...
