vaxtlı-vaxtında oxuyun! Şənbə, 15 may 2021
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Heydər Əliyev (1923 - 2003)

«Xalq gərək daim öz kökünü xatırlasın»

Heydər Əliyev (1923 - 2003)
MÜZAKİRƏ  
19:54 | 22 yanvar 2014 | Çərşənbə Məqaləyə 1697 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Azərbaycanda Ukrayna haqda nə düşünürlər?

««Maydan» hərəkatının yenidən alovlanacağı əslində gözlənilən bir hadisə idi»

Səxavət MƏMMƏD

MÖVZU İLƏ ƏLAQƏLİ

Bazar günündən başlayaraq Kiyevdə xalq yenidən meydanlara axışıb. Polislə nümayişçilər arasında şiddətli qarşıdurmalar baş verib.

Toqquşmalarda polis rezin güllələrdən, qaz bombalarından da istifadə edib. «Maydan» hərəkatı artıq küçə döyüşünə çevrilib. Bununla bağlı interpress.az politoloq Fərhad Mehdiyevdən münasibət öyrənib.

Politoloq bildirib ki, Ukraynada baş verən «Maydan» hərəkatı bir müddət əvvəl sakitləşmişdi, ancaq indi yenidən alovlanmağa başlayıb. Bunun səbəbi Rusiyanın bölgədəki aktiv siyasəti, Macarıstana 10 milyard dollar pul verməyə hazırlaşmasıdır. Rusiyanın apardığı siyasət Qərbin yadına saldı ki, artıq nəsə etmək lazımdır. Qərbdə belə bir anlayış var ki, Rusiya Ukraynasız yenidən imperatorluğunu qura bilməyəcək. Ukrayna Qərb üçün çox vacib bir ölkədir və onu Rusiyaya vermək istəmirlər. Qərb Ukraynanı yenidən Avrointeqrasiya kursuna qoşmaqda maraqlıdır.

Ölkədə vətəndaş müharibəsi təhlükəsi var. Ukraynada Qərb tərəfdarları qədər Rusiya tərəfdarları da çoxluq təşkil edir. Ukrayna hökuməti Rusiya tərəfdarlarını meydana çağırsa, vətəndaş müharibəsi başlayacaq, ancaq hələ ki, Ukrayna hökuməti bu addımı atmır. Ukraynada baş verən hadisələrin isə regiona heç bir təsiri gözlənilmir. Kiyevdə «Maydan» hərəkatının yenidən alovlanacağı əslində gözlənilən bir hadisə idi, çünki Ukraynanın Avorointeqrasiya məsələsi gündəlikdə idi. Yanukoviç hökuməti 8 yeni qanun qəbul etmək və bəzi qanunlarda dəyişiklik aparmaqla maksimal dərəcədə avtoritarlaşmaq istədi. Bu isə müxalifət düşərgəsində əks effekt yaratdı.

Politoloq Ərəstun Oruclunun fikrincə, Ukraynada vətəndaş müharibəsinin başlaması silahlı qüvvələrin parçalanıb-parçalanmamasından asılıdır. Silahlı qüvvələrin bir hissəsi xalqın tərəfinə keçdiyi və «Maydan» hərəkatına qoşulduğu təqdirdə silahlı qarşıdurma olmayacaq: «Bu cür hadisələrdə silah o zaman işlədilir ki, qarşı tərəfin əlində silah olmasın. Qarşı tərəfin əlində də silah olanda bu, artıq silahlı tərəflərin məsuliyyətini artırır. Kliçkonun çağırışı bu dəfə çox ciddi effekt verəcək və bəzi güc strukturları Kliçkonun tərəfinə keçəcək. Ola bilsin bu, indi yox, növbəti mərhələdə baş versin».

Ərəstun Oruclu onu da dedi ki, ekspertlər düşünür ki, Moskvanın mövqeyi Ukraynada getdikcə zəifləyir. 2-3 il bundan əvvəl bütöv şərqi Ukrayna Rusiyanın tərəfində idisə, «Maydan» hərəkatı başlayanda Donetskdə və digər Şərq bölgələrində hərəkata dəstək aksiyası keçirildi. Bu, Rusiyanın mövqeyini itirdiyini göstərirdi. Ukraynanın Avrointoqrasiya yolu tutacağı və ya Rusiyayönümlü olacağını ölkə əhalisinin iradəsi müəyyən edəcək. «Ukraynada baş verən hadisələrin regiona təsiri ola bilər , ancaq bunun hamısı nəticələrdən asılıdır. «Maydan» hərəkatı qalib gələcəksə, şübhəsiz, bu, digər ölkələrə də təsirsiz ötüşməyəcək».


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Commentics

Sorry, there is a database problem.

Please check back shortly. Thanks.

MÜƏLLİF

ANKET

Hökümətin ölkədə hansı sahəyə diqqətinin artırılmasını istərdiniz?

  • Elm-təhsil
  • Səhiyyə
  • Sosial Müdafiə
  • Ekologiya, təbii sərvətlər
  • Müdafiə-təhlükəsizlik
  • Mədəniyyət, incəsənət, ədəbiyyat
  • Kənd təsərrüfatı, aqrar sənaye
  • Sahibkarlıq, sənaye (zavod, fabrik)