12:56 | 2 iyul 2019 | Çərşənbə axşamı
Məqaləyə 3504 dəfə baxılıb
Şriftin ölçüsü
Yay - qarpız mövsümü...
İmişlidə bir isti var, qarpızın içindən çox, çölü qızarır... (“Facebook” atalar sözü)
Vüsal BAĞIRLI
MÖVZU İLƏ ƏLAQƏLİ
-
Yüksək istilik fəlakətə çevrilir
Bu il təkcə Tokioda 248 nəfər həyatını itirib
-
Yaponiyanın ən isti yayı
914 məntəqənin 144-də rekord temperatur qeydə alınıb
-
İqlim dəyişikliyi təhlükəsi
118 milyon insan risk altında
-
27-ci “tropik gecə”
Həddindən artıq isti dalğası ilə yeni rekord
-
“Qırmızı” rəngli həyəcan
İtaliyada yüksək hərarətlə bağlı xəbərdarlıq edilib
-
Fransada narıncı həyəcan
13 əyalətdə isti hava ilə əlaqədar xəbərdarlıq edilib
-
Dünya istidən qovrulur
Mərakeşdə 21 nəfər ölüb, ABŞ isə meşə yanğınlarının əhatəsində
-
Cəhənnəm istilərinin 27 qurbanı
ABŞ-da həddindən yüksək temperaturdan 146 milyon insan əziyyət çəkib
-
İspaniyada ikinci isti dalğası
Havanın temperaturu çay kənarında 43 dərəcə olub
-
Yayın təhlükəli sevimli qidası
Özünüzü keyfiyyətsiz qarpızdan qoruyun
-
Qarpızdan zəhərlənmənin səbəbləri
İstidə, günəş altında və dəriləndən sonra 7 gündən çox qalan qarpızları yemək təhlükəlidir
-
Ən gəlirli yay biznesləri hansılardır?
3 ay bu işlərlə məşğul olub, qışda «kefə baxmaq» mümkündür...
-
Avropa istidən qovrulur
Fransada, Almaniyada, Belçikada və İtaliyada 40 dərəcə isti qeydə alınıb
-
Yay başladı...
Amma havadan payızın qoxusu gəlir
-
Uşaqlığım İmişli rayonunda keçib. Bir dəfə, rayonda atamla kəndə getdim. Bostanda ilk dəfə qarpızı, bu möcuzəvi və qəribə bitkini görəndə çox təəccübləndim.
Qarpız mənə, bitkidən daha çox, kərtənkələ, qurbağa kimi canlıları xatırladırdı. Adama elə gəlirdi ki, bu yaşıl zolaqlı, dəyirmi varlıq, toxunsan, əlimi vursan diriləcək, hərəkətə gələcək və arx boyu harasa diyirlənib gedəcək.
Yay aylarında rayondakı evimizdə qarpız, yemiş, şomba, qovun o qədər çox olardı ki, - əlli dənə, yüz dənə - sayı-hesabı bilinməzdi. Qonum-qonşuya paylayardıq, diyirləyib çarpayının, masanın, dolabın altına yığardıq qurtarmazdı.
Həyətdə futbol oynayırdım. Qızmar yay günəşi, Aran istisi və fasiləsiz axan tər dili, dodağı qurudurdu.
Tez evə qaçırdım. Qarpızlardan birini götürüb, ortadan bölürdüm. Yox, rəngi xoşuma gəlmədi. Digər qarpıza əl atırdım, yox, onu da bəyənmədim. Bu qayda ilə 5-10 qarpız zibil qabına atılırdı. Nəhayət, istədiyim rəngi və dadı bir dequstator məharəti, ekspert dəqiqliyi ilə tapırdım və sulu, ləzzətli qarpız dilimlərini həzmi-rabedən keçirirdim.
Qarpız əsl yay bitkisidir. Böyükdür, suludur, şirindir. Faydalıdır, ucuzdur, boldur. Susuzluğu yatırdır. Üstəlik, pendir-çörəklə də əla gedir.
Bir şeyi pisdir ki, qulağına çəkib nə qədər sıxsan da, çırtmalasan da, nağara kimi döyəcləsən də kəsəndə bəzən yaxşı dəymədiyi, yetişmədiyi məlum olur.
Dünənki qarpızı sınaq yoxlamasından keçirmədən nə olar, olar, lotereya prinsipi ilə aldım. Qarpız ənənəyə uyğun olaraq, sərin suya qoyuldu. Sonra, başı dəyirmi formada kəsildi, ortadan bölündü və gözəl iyi mətbəxə yayıldı.
Balaca Nurxan səbirsizliklə qarpız istəyirdi, özü də doğranmış deyil, dilim-dilim.
Budur, göy qabıqlı, qara xallı, al yanaqlı, gəmiyə bənzər iri bir dilim Nurxanın qarşısına qoyulmuşdur.
O, elə hey dişləyir, udur, dişləyir, udurdu. Qarpızın suyu burnundan, ağzından, çənəsindən boğazına süzülür, oradan da dərəaşağı sinəsinə, qarnına axıb tökülürdü.
Nurxan bunu hiss etmirdi. Onun əli, qolu, paltarı, hər yeri yapışqan şirəyə batmışdı. Gözləri ləzzətdən qıyılmış, qarnı şişib tuluğa dönmüşdü.
Fəqət, heç nə Nurxanın vecinə deyildi. O, öz işində idi. Yenə də dişləyir, udur, dişləyir udurdu.
Necə deyərlər, qarpız, ye qarnını qalxız...
Sonda isə, bir sual: Qarpız meyvədir, giləmeyvədir yoxsa tərəvəz bitkisi?
