Bu həftənin əvvəlindən Qərbi Avropada təsirli olan həddindən artıq istilər həyata mənfi təsir göstərir. Hollandiya, Belçika və Fransadakı səlahiyyətlilər vətəndaşlara diqqətli olmaları barədə xəbərdarlıq edərkən, Fransanın bəzi bölgələrində məktəblər bağlanıb və sağlamlıq riski olan qruplar üçün tədbirlər görülüb.

Hollandiya

Havanın temperaturunun ölkənin cənubunda 40 dərəcəyə, şimalda isə 30 dərəcəyə çatacağı gözlənilir. Bu gün səhər saatlarında havanın temperaturu şimalda təxminən 16 dərəcə, cənubda isə 22 dərəcə idi. Günorta saatlarında cənubda 25 dərəcəni keçərkən, Qroningen və Frisland kimi şimal bölgələrdə 20 dərəcəyə çatıb. Gündüz mərkəzi və cənub rayonlarında havanın temperaturunun 30 dərəcəyədək isti olacağı, bəzi yerlərdə isə bu göstəricinin 33 dərəcəyədək yüksələcəyi gözlənilir. Sahil bölgələrində dəniz küləyi sayəsində bir qədər sərin olacaq, temperatur 26-30 dərəcə arasında olacaq.

Belçika

Meteorologiya İdarəsindən verilən açıqlamada Belçikanın həftəyə həddindən artıq isti ilə başladığı bildirilib. Bu  gün havanın temperaturu 32-33, sabah 36-37, birisigün isə daxili rayonlarda 38 dərəcəyə çata bilər. Yüksək rütubət dərəcəsi ilə qəbul edilən temperatur daha da artır. Xüsusilə yaşlılar, uşaqlar, ürək və ağciyər xəstələri üçün risk yüksək olur.

Birisigündən etibarən dənizdən gələn sərin havanın rayonlara çatacağı gözlənilir. Lakin bu soyutmanın təsiri hava axınlarının sürətindən asılı olacaq. Bu həftə rəsmi olaraq isti dalğasının yüksək ola biləcəyi bildirilir.

Fransa

Bu gün bütün Fransada, xüsusilə cənub-şərq və Rona vadisi kimi daxili bölgələrdə temperaturun 40 °C-ə çatacağı gözlənilir. Digər rayonlarda isə əsasən 34-38° isti təşkil edəcək.

“Météo France”, narıncı xəbərdarlıq səviyyəsinin bu gün və sabah 84 departament üçün təsirli olacağını açıqladı. Termometrlər ölkə daxilində 34 dərəcədən yuxarı qalxsa da, Manş sahilləri və Belçika-Almaniya sərhədinə yaxın ərazilər nisbətən sərin olacaq.

Bir çox şəhərlərdə ibtidai məktəblər və uşaq bağçaları bağlanıb. Tor, Kavayllon, Sena və Marna və Nyevr kimi bölgələrdə bu gündən etibarən bütün məktəblər bağlanıb. Təhsil Nazirliyinin məlumatına görə, bu gün, sabah və birisigün ümumilikdə 200-ə yaxın məktəb qismən və ya tamamilə bağlanacaq. Ehtiyacı olan ailələr üçün alternativ həll yollarının təqdim ediləcəyi bildirilib.

Avropada bu isti dalğanın həftə ortasına qədər davam edəcəyi gözlənilir. Mütəxəssislər xəbərdarlıq edir ki, insanlar bol su içməli, kölgədə qalmalı və ağır fiziki fəaliyyətdən uzaq olmalıdırlar.