vaxtlı-vaxtında oxuyun! Çərşənbə axşamı, 23 aprel 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Məhəmməd Hüseyn Şəhriyar (1906 - 1988)

«Şair xalqın səsi, əsrin səsidir,
Vətənin ağsaçlı sərkərdəsidir,
Hökmüylə ordular ayağa qalxır,
Şerinin selində daşlar da axır»

Məhəmməd Hüseyn Şəhriyar (1906 - 1988)
AVROPA  
17:58 | 30 mart 2022 | Çərşənbə Məqaləyə 835 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

“Onlar dənizi də minalayıb”

Vladimir Zelenski Norveçdən gəmilərə qarşı silah istəyir

MÖVZU İLƏ ƏLAQƏLİ

Ukrayna prezidenti Vladimir Zelenski çərşənbə günü, martın 30-da Norveç parlamentində çıxış edib.

“Ukraynanın Qara və Azov dənizlərindəki limanları Rusiya tərəfindən işğalın ilk günündən bağlanıb. 100-ə yaxın gəmi Aralıq dənizinə girə bilmir. Bəzi gəmilər sadəcə ələ keçirilib. Bu, yük oğurlamaq üçün piratçılıqdır. Bir neçə gəmi yanğına məruz qalıb... Onlar dənizi də minalayıblar. Bu, hamı üçün təhlükədir. Qara dəniz regionunda istənilən ölkənin istənilən gəmisi üçün”, - Zelenski bildirib.

O xatırladıb ki, bu minalardan biri Bosfor boğazında, digəri Bolqarıstan sərhədi yaxınlığında, üçüncüsü isə Rumıniya sahillərində aşkar edilib.

Zelenski, çıxışı zamanı Norveçdən mobil zenit-raket kompleksləri və gəmi əleyhinə raketlər verməsini xahiş edib.

“Bizə nə lazım olduğunu açıq şəkildə bildirmək istəyirəm. Xüsusilə, gəmi əleyhinə silahlar - “Harpun” raketləri, eləcə də NASAMS zenit sistemləri. Bundan əlavə, zirehli texnikaları, artilleriya sistemlərini məhv etmək üçün silahlara ehtiyacımız var. Bütün silahlar yalnız azadlığınızı qorumaq üçün istifadə olunacaq”, - deyə Zelenski bildirib.

Bundan əlavə, Ukrayna prezidenti qeyd edib ki, Norveç Avropanın enerji təhlükəsizliyinə həlledici töhfə verə bilər.

Xatırladaq ki, martın 24-də Berdyansk limanında Ukrayna Silahlı Qüvvələri Qara Dəniz Donanmasının iri “Saratov” desant gəmisini məhv edib. Yanğın digər gəmilərə, yanacaq və sursatlara da keçib.