Tramp-Zelenski görüşü zamanı gizli şəkildə Oval kabinetə daxil olan rusiyalı müxbir ABŞ mətbuatında geniş əks-səda doğurub.

Kremlin dəstəklədiyi TASS agentliyinin Vaşinqton bürosunun rəhbəri Dmitri Kirsanov kimi tanınan müxbir Ağ Evdə yüksək təhlükəsizlik şəraitində keçirilən toplantıya sızdıqdan sonra Məxfi xidmət tərəfindən qovulub.

***

Məlum olub ki, Kirsanov əvvəllər təsdiq olunmuş mətbuat siyahısında olmamasına baxmayaraq, CNN, “Bloomberg”, “The New York Times” və “Reuters” kimi aparıcı media orqanlarının müxbirləri ilə birlikdə binaya daxil olub. Ağ Ev rəsmiləri rusiyalı jurnalistin obyektə necə soxula bildiyi barədə hələlik dəqiq açıqlama verməyib.

***

Məlumata görə, Kirsanov Trampın çıxışından sonra görünüb və Məxfi xidmət agenti tərəfindən otaqdan çıxarılıb. Lakin rusiyalı müxbir bu müddət ərzində Oval kabinetdəki görüşün fotolarını çəkə bilib.

***

Bu hadisə Ağ Evin mətbuat katibi Karolin Leavitt mətbuat brifinqlərinə giriş prosesində dəyişiklik etdikdən qısa müddət sonra baş verib. Tramp administrasiyası hansı jurnalistlərin prezidenti daha yaxından işıqlandıracağını birbaşa müəyyənləşdirməyə başlamışdı.

***

Ağ Evdəki bu təhlükəsizlik qalmaqalı Oval kabinetdəki Tramp-Zelenski böhranına kəşfiyyat müharibəsi ölçüsü əlavə edib. Rusiya mətbuat orqanı TASS hadisə ilə bağlı hələlik şərh verməyib.

Kirsanovun bu davranışı jurnalistdən çox Rusiya Federal Təhlükəsizlik Xidməti xəfiyyəsinin peşəkarlığını davranışına bənzəyib.