vaxtlı-vaxtında oxuyun! Çərşənbə axşamı, 6 dekabr 2022
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Məhəmməd Əmin Rəsulzadə (1884 - 1955)

«İnsanlara hürriyət
Millətlərə istiqlal»

Məhəmməd Əmin Rəsulzadə (1884 - 1955)
CƏMİYYƏT  
11:12 | 15 aprel 2022 | Cümə Məqaləyə 3498 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Yenə də DTX...

Korrupsiya ilə mübarizə ilə real olaraq yalnız bu qurum məşğul olur

Əkrəm HƏSƏNOV

MÖVZU İLƏ ƏLAQƏLİ

Son həftələrin ən qalmaqallı mövzusu 30 martda Mənzil İnşaatı Dövlət Agentliyinin (MİDA) Yasamal Yaşayış Kompleksində 442 mənzili güzəştlə bir neçə saniyəyə satması olmuşdu. Mən də bu məsələyə münasibətimi bildirmişdim və ortada cinayət əməlinin olduğunu vurğulamışdım. Misli görünməyən biabırçılıq idi! Eyni zamanda da dövlətimiz üçün test idi. Korrupsiyaya qarşı mübarizə testi.

Bu testin nəticəsi bu gün bəlli oldu. Dövlət Təhlükəsizliyi Xidmətinin (DTX) qısa zamanda həyata keçirdiyi araşdırma nəticəsində bu cinayətin üstü açılıb.

Əslində, söhbət yalnız bu mənzillərdən, onların qanunsuz satılmasından və hansısa aztəminatlı vətəndaşımızın haqqına girilməsindən getmir. Məsələnin məğzi bütövlükdə dövlətə etimaddadır. Xüsusilə aztəminatlı təbəqələr tərəfindən. Korrupsiya bizdə artıq çoxdan dövlət təhlükəsizliyi məsələsidir. Korrupsiyanı boğa bilməsək, dövlətçiliyimizin özü təhlükə altında olacaq. Bu baxımdan DTX-nin çevik əməliyyatları təqdirəlayiqdir.

Prinsipcə, son dövrdə korrupsiyaya qarşı real mübarizə aparan yalnız DTX-dir. Digərlərinin isə işi görünmür. Ümumiyyətlə, eyni fəaliyyətin bir neçə qurumun təkrarlaması yaxşı hal deyil. Bütün səlahiyyətlər bir qurumun əlində olanda, həm iş gedir, həm də bütün məsuliyyət onun üzərində olur.

Ümid edirəm ki, nə vaxtsa korrupsiya Azərbaycanda dövlət təhlükəsizliyi məsələsi olmayacaq. Amma buna yəqin ki, hələ çox var...


   

MÜƏLLİF

ANKET

Hökümətin ölkədə hansı sahəyə diqqətinin artırılmasını istərdiniz?

  • Elm-təhsil
  • Səhiyyə
  • Sosial Müdafiə
  • Ekologiya, təbii sərvətlər
  • Müdafiə-təhlükəsizlik
  • Mədəniyyət, incəsənət, ədəbiyyat
  • Kənd təsərrüfatı, aqrar sənaye
  • Sahibkarlıq, sənaye (zavod, fabrik)