
Tramp təkid edir, Pauel inad
ABŞ prezidenti FED sədrinin dirəncini qıra biləcəkmi?
ABŞ prezidenti FED sədrinin dirəncini qıra biləcəkmi?
Qızıl ABŞ-ın kritik məşğulluq məlumatlarını qabaqlayır
Qlobal bazarlar ABŞ məlumatlarını qabaqlayaraq dar diapazonda hərəkət edir
Nazirlə prezidentin açıqlamaları eyni saata təsadüf edib
Qiymətli metal ABŞ-da iqtisadi narahatlıqların artması ilə yüksəlir
FED sədri: “Tariflərin inflyasiyaya təsiri bu yay görünəcək”
Qlobal bazarlar ilin ikinci yarısına yüksəlişlə başladı
Dünya bank rəhbərləri Portuqaliyada bir araya gələcək
ABŞ Maliyyə naziri: “Faizlə bağlı donublar, irəliyə baxmırlar”
Yüksəliş artan ticarət və geosiyasi risklərlə də dəstəklənir
Məşhur bank ehtimalları 50 faizdən yüksək görür
Qiymətli metalın təhlükəsizlik limanı mövqeyi zəifləyir
Ticarət müqavilələrindəki inkişafın müsbət təsiri qlobal bazarlarda görünür
Hansı ismi daşıyan insanlar daha çox qazanır?
Əksər FED rəsmiləri iyul ayında uçot dərəcəsinin azaldılmasına qarşıdır
Pauelin varisi tezliklə müəyyən edilməyəcək
Bir az öncə Federal Ehtiyatlar Sistemi (FED) uçot dərəcəsini 75 baza bəndi artıraraq 1,50-1,75 faiz aralığına çatdırıb. Bu 1994-cü ildən bəri ən yüksək artımdır. FED sədri Cerom Pauell uçot dərəcəsini növbəti ayda da yenidən artırılacağını istisna etməyib. İnflyasiyanı tənzimləmək üçün FED dərəcəni yüksəltməkdə israrlı görünür. Ekspertlər uçot dərəcəsinin ilin sonunadək daha 175 baza bəndi artıraraq 3.4 faizə çatdırılacağını bildirirlər.
FED bu il 2 faizlik inflyasiya hədəfləsə də aprel ayında 12 aylıq qiymət artımı səviyyəsi 6.3 faizədək yüksəlib. Bu son 40 ildə ABŞ-da ən yüksək inflyasiya göstəricisidir. Digər tərəfdən, Birləşmiş Ştatlar ÜDM-də artım 2.8 faiz proqnoza qarşı 1.7 faiz olub. Bütün bunlar FED-in kəskin dərəcə artımlarına getməyə məcbur edib.
FED uçot dərəcəsini artırmazdan öncə, hətta dərəcənin yüksələcəyi ilə bağlı xəbərlər yayılandan sonra birjalar buna reaksiya verdi. Təbii ki, ən çox verilən sual ənənəvi idi: dünya bazarında dollar kəskin bahalaşacaqmı?
Artıq dollar əksər səbət valyutalara nisbətən möhkəmlənib. Ötən həftə “özünə gələn” Avropa pulu yenidən dollara qarşı ucuzlaşaraq 1 avro 1.04 dollaradək dəyər itirib. Əksər aparıcı valyutalar dollara nisbətən dəyər itirsələr də ABŞ birjalarında aktivlik müşahidə olunur.
Manatın məzənnəsinə gəldikdə isə kursa təsir göstərən əsas iqtisadi faktorlar ölkəyə daxil olan valyutanın həcmi, eyni zamanda Dövlət Neft Fondu tərəfindən hərraca çıxarılan valyutanın məbləğidir. Valyutaya olan tələbin əhəmiyyətli hissəsi Neft Fondu tərəfindən ödənilir. Bu baxımdan Neft Fondunun hərraca çıxartdığı vəsaitlərin həcmi dollara olan tələbin ödənilməsində çox önəmlidir. Bu da təbii ki, manatın məzənnəsi baxımından vacib hesab olunur. Təbii ki, xarici ticarət tərəfdaşlarımızda milli valyutalarının məzənnələrindəki dəyişikliklər də iqtisadi faktorlardan biridir.
Bütün bunlar ilə yanaşı, praktiki olaraq, manatın məzənnəsi birbaşa Azərbaycan Mərkəzi Bankının qərarından asılıdır. Mərkəzi Bank prosesə birbaşa intervensiya etmək imkanlarını qoruyub saxlayır. Ona görə də manatın məzənnəsinin necə dəyişməsi birbaşa Azərbaycan Mərkəzi Bankının mövqeyindən asılı olacaq.