vaxtlı-vaxtında oxuyun! Çərşənbə axşamı, 6 dekabr 2022
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Heydər Əliyev (1923 - 2003)

«Dünya ümumiyyətlə quruculuqla, tikib-yaratmaqla yaşayıb, inkişaf edib»

Heydər Əliyev (1923 - 2003)
ENERGETİKA  
15:47 | 27 iyul 2022 | Çərşənbə Məqaləyə 3426 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Avropada qaz sürətlə bahalanır

“Şimal axını 1” kəməri ümumi gücünün 20 faizinə düşüb

MÖVZU İLƏ ƏLAQƏLİ

Bu gün – iyulun 27-də Avropada qazın qiymətində sıçrayış davam edib. Buna Rusiyanın regiona qaz tədarükünü daha da kəsməklə bağlı səsləndirdiyi təhdid səbəb olub.

***

Çərşənbə günü qazın qiyməti 12 faiz qalxıb. Bu həftə isə qaz ümumilikdə 30 faizdən çox bahalanıb. “Financial Times” Avropanın qış gəlməmiş qaz anbarlarını doldurmağa çalışdığını yazır.

Almaniyanın “Gascade” qaz şəbəkəsi operatoru bildirib ki, Şimal axını 1 kəməriylə qaz axını bu gün səhər ümumi gücünün 20 faizi həcminə düşüb.

Rusiya qazını Almaniyaya nəql edən bu kəmər iyunda gücünün 40 faizi həcmində işləyirdi. Avropa siyasətçiləri isə Rusiyanı qazdan silah kimi istifadədə suçlayır. Rusiyanın Ukraynaya hücuma görə üzləşdiyi Qərbin sanksiyalarına bu cür cavab verdiyi deyilir.

Rusiya isə Şimal axını 1 ilə qaz təchizatının azalmasını turbinlərdə problemlərlə izah edir, Qərbin sanksiyalarının problemi dərinləşdirdiyini deyir. Ancaq ölkənin əsas qaz ixracı monopolisti Gazprom yaranan boşluğu alternativ marşrutlarla kompensasiya etmir.

***

Aİ Rusiya qazından asılılığı azaltmağa çalışır Bu həftə üzv ölkələrə qaz istehlakını könüllü azaltmaq təklif olunub. Onlara deyilib ki, qış öncəsi qaz saxlanclarının doldurulmasına kömək məqsədilə istehlakı 15 faiz azaltsınlar.

Fövqəladə hallarda bu ixtisar məcburi ola bilər. Brüssel ilkin olaraq hər bir üzv ölkə üçün 15 faiz məcburi qənaət təklif edirdi.

Çex Respublikasının Sənaye və Ticarət naziri Cozef Sikela toplantının nəticəsini Avropa həmrəyliyinin modeli adlandırıb.

İtaliyanın Eni şirkətin bildirir ki, Gazprom ona çərşənbə günü 27 milyon kubmetr qaz verəcəyini deyib. Bu, son günlərdə alınan 34 milyondan 20 faiz azdır.

İtaliya son aylar Rusiya qazından asılılığı azaldır. Əvvəl ümumi qaz idxalının 40 faizi Rusiyadan gəlirdisə, indi bu göstərici 25 faizə düşüb. Əlcəzairdən idxal isə artırılır.