«Meyarımız türk dilidir»
Cavad Abbasi: «Farslaşdırma siyasəti məğlubiyyətə uğrayır»
MÖVZU İLƏ ƏLAQƏLİ
-
Pişəvərinin ölümü!
Yaxud erməni terroru yoxsa Sovet kəşfiyyatının əməliyyatı
-
Cənubi Azərbaycan düyünü ...
Dövlətin adını Şimali Azərbaycana dəyişmək bunu açacaqmı?
-
... “Səhər”in səsi
Məhəmməd Kazım Şəriətmədari haqda bir müsahibə ilə xırp kəsiləcək ...
-
Güneylilər Bakıda
Keçici Milli Məclisinin Təşkilat Komitəsinin üzvləri siyasi partiyalar və QHT-lərlə görüşəcək
-
Teatr işçiləri hicabdan imtina edib
“Şou bitəcək və həqiqət üzə çıxacaq”
-
Adı qalaya verilən sərkərdə
Milli qəhrəman Kazım Xan Quşçu kimdi?
-
Güneylə 90-cı illərin Quzeyi
Bugünkü müzakirə və gəlişmələr öz sözünü mütləq deyəcək
-
Güney Azərbaycanda fəlakət
Hirkan meşələri dördü gündür yanır
-
Prezidentdən mühüm mesajlar
Brüssel görüşündən imtina, İrana gözdağı, Zəngəzur dəhlizi ilə bağlı yekun fikir
-
O tayın və bu tayın lideri
İlham Əliyev Helmut Kolun yolunu gedir – hamını inandırmaq
-
Gərgin mərhələyə qədəm qoyuruq
“Güney azərbaycanlıların hüquqları məsələsi İranın daxili işidir” dövrü geridə qaldı
-
Güneydə ümummilli aksiya təyin olundu
21 Azər hərəkatına hazırlıq gedir
-
Pezeşkiyan rejimə səsləndi
Təbrizli millət vəkili etirazçıların səsini eşitməyə çağırdı
-
Təbrizdə dərman çatışmır
Xammal yoxdur, müəssisələr bağlanır, bahalaşma gözlənilir
-
AzTV aktivləşib
Dövlət televiziyasının sosial şəbəkələrdə paylaşımları və baxış sayı kəskin çoxalıb
-
“Bu qan yerdə qalmayacaq”
Təbrizi divarlarını qraffiti yazıları bürüdü
Qərbi Azərbaycan vilayəti məktəblərinin sabiq müəllimi və türk fəal Cavad Abbasi Amerikanın Səsi ilə söhbətdə son vaxtlar türk dilində təhsil məsələsinin geniş şəkildə gündəmdə olması ilə əlaqədar şərhlərini paylaşıb. O, millət vəkillərinin türk dilində dərsliklərin hazırlanması tələbi ilə prezident Ruhaniyə müraciətlərini, eləcə də Qərbi Azərbaycan vilayətində «İstanbul türkcəsinin təhsil sistemində ciddi problem yaratdığına» dair İran rəsmilərinin iddiasını dəyərləndirib.
Türk dilinin tədrisi tələbinin millət vəkillərinin gündəmində olması və İran Parlamentində səsləndirilməsini farslaşdırma siyasətinin məğlubiyyətə uğradığının əlaməti kimi dəyərləndirən Cavad Abbasi İran rəsmiləri, o cümlədən prezident Həsən Ruhaninin bu mövzu ilə bağlı açıqlamalarında səmimi olmadığını vurğulayır.
«Milli fəallar olaraq ayıq olmalıyıq. Çünki siyasi alverçilər meydandadırlar. Bunlar öz hədəflərinə çatmaq üçün hər oyuna baş vururlar... Misal üçün, dərsliklərin hazırlanması məsələsində, Təbriz şivəsi, Ərdəbil ləhcəsini ortaya atırlar. Bu bir təhdid və oyundur. Bizim meyar dilimiz türk dilidir», deyə o söyləyir.
Abbasi əlavə edir, «bunlar bir gün deyirlər Azərbaycan dili, bir gün deyirlər Azəri. Hərdən bir uydurma... Burada səmimiyyətsizlik var. Yoxsa bunlar yaxşı bilir bu dilin adı türkcə və bu millətin adı türk millətidir».
Bu yaxınlarda İran xəbər agentlikləri Qərbi Azərbaycan vilayətində yeni məktəbə gedən uşaqların bir çoxunun farsca bilmədiklərini, amma «İstanbul Türkcəsinə» hakim olduqlarına dair xəbər yayıblar. Bu məlumata görə, vilayətin Təhsil İdarəsi sədri bu məsələnin təhsil sistemində ciddi problemlərə yol açdığını irəli sürüb.
ABŞ-da mühacirətdə yaşayan müəllim bunun əksini düşündüyünü ifadə edir. Onun fikrincə, İran Azərbaycanında yaşayan türk uşaqları Türkiyə və Azərbaycan Respublikası telekanallarının yayımladığı türkcə proqramlardan müsbət mənada yararlanırlar.
O deyir ki, «nədən türk uşaqları Türkiyə ya Quzey Azərbaycan televiziyasını rahat izləyirlər? Bunun çox sadə cavabı var. Çünki, bunların yaydığı proqramlar türk dilindədir və uşaqların böyüdüyü adət-ənənələr və yaşayış tərzi, keçmişi, ədəbiyyatı və duyğuları ilə üst-üstə düşür. Nədən İran televiziyasını izləmirlər. Çünki, o proqramlarda harada aşağılayıcı rollar varsa türklərə verilir...»
O, «İstanbul türkcəsi»nin İran Azərbaycanın təhsil sistemində problem yaratdığına dair ifadələrin siyasi məqsədlərlə ortaya atıldığını deyir:
«İran hakimiyyəti xaricdən gələn hər səsi kəsmək istəyir. Bunu təhdid kimi görür. Xüsusilə Güney Azərbaycan və İranda yaşayan türklərin digər türk soydaşları ilə əlaqədə olmalarını istəmir... Bunların qorxusu farslaşdırma layihəsinin artıq yürüməməsidir».