01:19 | 12 oktyabr 2013 | Şənbə
Məqaləyə 2940 dəfə baxılıb
Şriftin ölçüsü
«Bir-birinin ayağının altını qazırlar»
Zərdüşt Əlizadə: «Sonradan başa düşdülər ki, biabırçı məğlubiyyətlə üzləşəcəklər»
teleqraf.com
MÖVZU İLƏ ƏLAQƏLİ
-
Ana müxalifət partiyasında qətl
Çademanın yüksək vəzifəlisi qaçırılaraq döyülüub, üzərinə kimyəvi turşu tökülüb
-
Rəncbərin qayğıları
Deputatlığa namizəd Rafael Hüseynovla seçiciləri ilə növbəti görüşdə problemləri müzakirə etdi
-
Əvvəlkilərdən fərqli seçki
Hacıqabulda şəhər ictimaiyyəti ilə səmimi görüş
-
İlk imzalara doğru
Başlanmış və davam etdirlməli vacib işlərlə yanaşı, yani layihələr və niyyətlər
-
“Rəngli inqilab”ların köhnəlmiş ssenarisi
Qazi adı ilə pərdələnən siyasət biçarələri – onlar yenə fəallaşıblar
-
Müxalifət “arayışı”
Kimdir bunlar – “JEK”, “ASAN Xidmət”, AAK?
-
Növbədənkənar seçki ola bilərmi?
İqtidar və müxalifət eyni fikirdədir
-
Dəyişməyən şüarlar
Küçə liderlərinin küçə dəvətlərinə inanmayın
-
Hikkə və savadsızlıq
Azərbaycan müxalifətinin riyaziyyat bəlası
-
Azadlıq Azmanı
Milli istiqlalımızın ilkinə bənzərsiz ictimai-siyasi çabalarıyla nail olmuş, bərpasınasa mənəvi-məfkurəvi ideyaları ilə zəmin yaratmış Məhəmməd Əmin...
-
“AXC Fələstindəki yəhudiləri dəstəkləyib”
Yəhudi tədqiqatçıdan Azərbaycan Xalq Cümhuriyyəti ilə bağlı maraqlı açıqlamalar
-
“İlham Əliyev dedi ki, dayandırın bu rüsvayçılığı!”
Rüstəm İbrahimbəyov: ““Qafqaz triosu” ekranlara çıxarkən başlayan hücumları prezident dayandırdı”
-
Mistik çalarlara ehtiyac yoxdur
Rəsulzadə regionun ən proqressiv, ən demokrat müsəlman lideri idi
-
Hamımızın adından - Rəsulzadəyə!
Məhəmməd Əminin həzzi (dərdi) və xalqı haqda
-
“Ona qayıtmalı olacaqsan”
“M.Ə.Rəsulzadə söhbəti”nin yenidən güclənməsi təsadüfi deyil
-
Sən bizimsən, bizimsən ...
Məhəmməd Əmin Rəsulzadənin anadan olmasından 135 il ötür
Teleqraf.com-un suallarını politoloq Zərdüşt Əlizadə cavablandırır.
- Seçkinin nəticələrilə bağlı təəssüratlarınız necədir?
- Siyasətdə məqsədə çatmaq üçün bəzən bütün variantlardan istifadə olunur. Hakim partiya da əlindəki imkanlardan yararlanıb seçkilərdə qalib gəldi. 9 oktyabrda mən də seçkiləri izlədim. Müşahidəçisi olduğum məntəqədə seçici aktivliyi aşağı idi. Xalqın böyük kəsimi siyasətə biganədir.
- Müxalifətin seçkilərdə uduzmasının başlıca səbəbini nədə görürsüz?
- Seçkiyə hazırlıq təkcə seçki kampaniyası dövründə olmur. Seçkilərə ilboyu hazırlaşmaq lazımdır. Təsəvvür edin ki, iki idmançı döyüşə hazırlaşır, onlardan biri ilboyu məşq edir, öyrənir, gücünü artırır, digəri isə evdən çölə çıxmır. Televizorun qarşısında oturub döyüş filmlərinə, idman yarışlarına baxır. Və sonra onlar rinqdə qarşılaşırlar. Sizcə, bu vəziyyətdə onların hansı qalib gələcək? Əlbəttə ki, birinci. İndi müxalifət də ötən beş il ərzində məşq etməyən idmançıya bənzəyir. Bunlar rinqə çıxan kimi nokauta düşürlər. Hakimiyyət isə müxalifətə imkan vermir ki, güclənsin.
- Hətta beynəlxalq siyasi araşdırma mərkəzləri də etiraf ediblər ki, tam demokratik seçkilər keçirilsə belə, hakim partiyanın qələbəsi şəksizdir. Siz necə düşünürsüz?
- Müxalifət seçkilərdə onsuz da uduzacaqdı. Müxalifətə səsi Cəmil Həsənliyə görə verdilər. Əvvəlcə, seçkilərə özləri getmək istəyirdilər. Sonradan başa düşdülər ki, biabırçı məğlubiyyətlə üzləşəcəklər. Rüstəm İbrahimbəyovun namizədliyi üzərində dayanmağa məcbur oldular. Rüstəm İbrahimbəyovun nüfüzu, maddi imkanları var. Ona görə də bəzi qüvvələr onun namizəd olmasını istəmədi. Onu rusiyapərəst adlandırdılar. Bu absurd yanaşma idi. Cəmil Həsənli müxalifətin uğurlu namizədi idi. Ziyalı, reputasiyası təmiz olan şəxs idi. Bacardığını etdi, amma qalib gələ bilmədi. Başqa namizəd olsaydı, 3-4 faiz səs toplayardı. Az-çox uğur qazandılarsa, buna görə Cəmil Həsənliyə minnətdar olmalıdırlar. Müxalifət növbəti seçkilərə hazırlaşmalıdır.
- Bəzən belə fikirlər səslənirdi ki, İsa Qəmbər və Əli Kərimli təcrübəli siyasətçilərdir, onlar debatlarda daha məntiqli danışa, insanların diqqətini cəlb edə bilərdilər. Buna münasibətiniz...
- Onlar nə qədər təcrübəli siyasətçi, natiq olsalar da, keçmişləri imkan vermir ki, seçkidə səs alsınlar. Xalq onları müxalifətdə görməkdən, eyni şeyləri danışmalarından yorulub, bezib. İkincisi, AXCP və Müsavat Partiyası bir-birinin ayağının altını qazır, qarşılıqlı rəqabətdədirlər. Onların hakimiyyətə olan nifrəti bir-birinə olan nifrətindən çox deyil.
- Ümumiyyətlə, prezidentliyə iddialı şəxsin seçkilərdə 2-3 faiz səs toplaması nə deməkdir?
- Bu, özünə hörmətsizlikdir. Seçkidə uduzmaq olar. 5, 10, 15, hətta 20 faiz səs fərqilə. Daha 80-90 faiz fərqlə yox. Onların əksəriyyəti əvvəlcədən bilirdilər ki, 2-3 faiz səs alacaqlar. Azərbaycanda hərə bir cür çörəkpulu qazanır, dolanır. Mən onlara hakimlik etmək istəmirəm. Kimsə vicdanın satıb pul qazanırsa, ona nə deyə bilərəm.
- Sizcə müxalifət bundan sonra hansı addımları atmalıdır?
- Mən AXC-nin məramnaməsini yazanda gördüm ki, bunlar söz qanan deyillər. İndi onlara nə məsləhət versəm belə, mənasız və nəticəsiz ola bilər. Özləri bilərlər. Onlar özlərini hamıdan ağıllı hesab edirlər. Bu vaxta qədər ölkədə olan bütün seçkiləri uduzublar.
- Müxalifət seçkilərin saxtalaşdırılıdığını iddia edir. Amma seçicilərin narazılığı müşahidə olunmur, hər hansı aksiya keçirilmir...
- Müxalifətdə qətiyyət deyilən şey qalmayıb. Camaat bilir ki, mitinqə çıxsa, onu nə gözləyir. Müxalifətin mitinqçiləri qorumaq, təhlükəsizliyini təmin etmək üçün imkanları yoxdur. Belə zəif müxalifətin ardınca kim gedər?
- Namizədlərin teledebatları həm də Azərbaycan Sosial Demokrat Partiyasının sədri, sizin qardaşınız Araz Əlizadənin müxalifət haqqında kəskin ifadələrilə yadda qaldı. Düzdür, seçkilərdən qabaq siz bununla bağlı mövqeyinizi bildirmisiz. Seçkidən sonra qardaşınızın kampaniya dövründəki çıxışları ilə bağlı nə düşünürsüz?
- Xalqın gözü tərəzidir. Hamı hər şeyi gördü. Oradakıların əksəriyyəti qələbə qazanmaq yox, hakimiyyətə yarınmaq üçün danışırdılar. Araz Əlizadə ilə bağlı heç nə demək istəmirəm. Səbəbini siz özünüz daha yaxşı bilirsiz. Əslində onun çıxışlarına normal insanın münasibəti necədirsə, mənimki də elədir. Bundan artıq heç nə deməyəcəm.
