16:17 | 6 noyabr 2013 | Çərşənbə
Məqaləyə 2564 dəfə baxılıb
Şriftin ölçüsü
Yığmamız mundiala buraxılmadı...
...Yoxsa maliyyə çatışmazlığından qatılmadı?
apasport.az
MÖVZU İLƏ ƏLAQƏLİ
-
VAR kimə var, kimə yox?
FİFA futbolu NBA-laşdırır
-
«Məni heç mühafizəçi də götürmürlər»
ABF-nin vitse prezidenti 2 qat Dünya və Avropa çempionundan niyə qaçır?
-
Kişi basketbolçulardan ibarət Azərbaycan millisi Avro-2015-in seçmə mərhələsinə qatılmayacaq. Bu bərədə Azərbaycan Basketbol Federasiyasının icraçı-direktoru Rüstəm Rüstəmov məlumat verib.
O bildirib ki, yığmanın qarşısında FİBA Avropa «qırmızı işıq» yandırıb. Bunun səbəbi kimi final mərhələsi Ukraynada baş tutacaq Avro-2015-ə qatılmaq üçün təsnifat mərhələsində iştirak etməməsi və 14-15 komanda ilə birgə 1 yer uğrunda oynamaq istəməməsi olub.
Rüstəmovun fikrincə, qitənin ən mötəbər turnirində iştirak etmək öz maraqlarında da olmayıb: «Bizə təklif gəldi ki, seçmə mərhələ üçün əlavə 1 yer var. Buna 14-15 milli iddialıdır və siz də Avropa çempionatına buradan başlamalısınız. Biz isə bundan imtina etdik. Səbəb həm maliyyə məsələləri, həm də legionerlərin bu qədər komandalarla oyuna gəlməyi idi. Bu üzdən də FİBA bildirdi ki, siz həmin məsələyə görə seçmə mərhələyə qatıla bilməyəcəksiniz. Düzü, biz də bunun marağında elə də ciddi olmadığımız üçün üstünə çox düşmədik».
İcraçı-direktor Basketbol Federasiyasında hazırda əsas diqqətin 3X3-ə yönəldiyini deyib: «İndi məqsədimiz 2015-ci ildə Bakıda keçiriləcək Avropa Oyunlarında ciddi hazırlaşmaqdır. Bunun üçün böyük basketbolla yanaşı, bu növün də populyarlaşmasına çalışırıq. Çünki orada proqrama yalnız 3X3 daxil olunub».
Avro-2015-in təsnifat mərhələsi artıq başa çatıb və 13 yığmanın mübarizəsində Estoniya seçmə mərhələyə vəsiqə qazanıb. Burada isə onlara 15 milli qoşulacaq.
Qeyd edək ki, basketbol yığmamız 2011-də B divizionunun ləğv olunmasından sonra Avro-2013-ün seçmə mərhələsində oynadı. Tarixində ilk dəfə yüksək liqada çıxış edən komandamız qrupda 4-cü olsa da, inamlı oyunu ilə diqqət çəkmişdi.
