Dövlətə layiq cavab

vaxtlı-vaxtında oxuyun! Cümə axşamı, 3 iyul 2025

1 USD = 1.7 AZN

1 EUR = 1.6977 AZN

1 RUB = 0.0272 AZN

1 GBP = 1.9671 AZN

1 TRY = 0.0914 AZN

«Dünya ümumiyyətlə quruculuqla, tikib-yaratmaqla yaşayıb, inkişaf edib»

Heydər Əliyev (1923 - 2003)

21:43 | 13 oktyabr 2023 | Cümə Məqaləyə 5 dəfə baxılıb Şriftin ölçüsü Xəbərin şriftini kiçilt

Dövlətə layiq cavab

Düşmənin cəzası hərb meydanında verilməlidir

Elmir MİRZƏYEV

MÖVZU İLƏ ƏLAQƏLİ

Ermənistanın keçən illərdəki strateji səhvi torpaqlarımızın işğalı zamanı həyata keçirdiyi kütləvi insan qırğınları və qəddarcasına etnik təmizləmə keçirməsi, işğal edilmiş ərazilərdə əsrin dörddə biri kimi bir zaman ərzində dövlət yox, basqınçı-yağmaçı kimi davranması oldu.

Bunu ola bilsin dünya mediası, “proqressiv bəşəriyyət”, yaxud “sivil dünya” deyilən yerlərdə çox da vurğulamadılar, amma hara lazımdır çatdırılıb və bütün gərəkli olan dairələr bundan çox gözəl xəbərdardırlar.

Biz isə əksinə, çox şükür ki, 2020-dən bəri bunu etmədik və bu dövlət adına əsla yaraşmazdı. O səbəbdən bizə qarşı nə qədər ədalətsizlik olsa da, sanksiya-filan olmayacaq, bundan əmin olun.

Kütləvi insan qırğınları baş verdiyi tarixi-coğrafi kontekstindən asılı olmayaraq istənilən halda dövlət adına ləkədir və zaman keçdikcə də silinmir. İsrail dövləti də gərək bu xüsusda diqqətli olsun. “HƏMAS”ın etdikləri bəşər əleyhinə ağlasığmaz cinayətdir, lakin dövlət ona tay ola bilməz. 2020-də canilər Gəncəni, Bərdəni, Tərtəri raket atəşinə tutanda, mülki əhalini öldürəndə, ölkə rəhbərliyi bəyanat verdi ki, biz bunun cavabını yalnız hərb meydanında verəcəyik, daha sivil şəhərləri bombalamaqla yox. Həqiqətən də dövlətə layiq cavab idi ki, verildi də.