vaxtlı-vaxtında oxuyun! Çərşənbə axşamı, 19 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Barış Manço (1943 - 1999)

«Keçmişini tanımayan bugününü anlaya, sabahını isə qura bilməz»

Barış Manço (1943 - 1999)
BÖHRAN  
18:13 | 15 mart 2019 | Cümə Məqaləyə 2209 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Çetniklərdən ilhamlanan terrorçu

Türk düşməni, neonasist, antiqlobalist …

Şahin CƏFƏRLİ

MÖVZU İLƏ ƏLAQƏLİ

Yeni Zelandiya terrorçusu Brenton Tarrant hadisəni törətməyə gedəndə avtomobilində çetnik marşı dinləyib.

Qısaca deyim ki, çetniklər serb-pravoslav radikallarıdır. “Böyük Serbiya” xəyalı uğrunda mübarizə aparırlar. Yuqoslaviya dağılarkən Bosniya və Kosovoda Serbiya ordusu ilə bərabər müsəlmanlara qarşı soyqırım və qətliamlar törədən silahlı serb dəstələri çetniklər idi. Vaxtilə Osmanlı Balkanları və pravoslav xristianlığın mərkəzi Konstantinopolu ələ keçirdiyi üçün antitürk xətti çetniklərdə güclüdür. Görünür, Tarrantın ya bu qruplarla əlaqəsi var, ya da internetdə onların təbliğat materiallarını görüb və təsirlənib. Onun Sultan l Muradı öldürmüş Miloş Obiliç və türklərlə döyüşlərdə tarixi qələbələrə imza atmış gürcü (pravoslav) çarı Qurucu David və çariça Tamaranın əri David Soslanı vəsf etməsi böyük ehtimalla buradan irəli gəlib.

Çetnik qruplarının Rusiya kəşfiyyatı ilə əlaqələri sirr deyil. Onlar Donbasda Ukraynaya qarşı da döyüşür. (Bu barədə “YouTube”da videolar var.) 2016-cı ildə Rusiya Mərkəzi Kəşfiyyat idarəsinin (MKİ – QRU) Monteneqroda təşkil etdiyi uğursuz çevriliş və sui-qəsd cəhdində çetniklərdən də yararlanmışdı.

Terrorun əsas motivi isə budur ki, miqrantların axını qarşısında Avropa mədəniyyəti və identikliyi məhv təhlükəsi ilə üzləşib, avropalıların sayı azaldığı halda, gəlmələr sürətlə çoxalır. Tarrant Fransada gördüklərindən dəhşətə gəldiyini bildirir və buna görə Merkel ilə Makronu lənətləyir. O, hadisədən əvvəl yazdığı manifestdə bu barədə geniş bəhs edib. Yazının ruhu və məzmunu ümumilikdə Qərbdəki (ABŞ başda olmaqla) “alternativ sağ”çı (“Alt-Right”), neonasist, antiqlobalist, liberal düzəni dəyişmək istəyən, bu səbəblə Putini həmfikir kimi görüb ona rəğbət bəsləyən qrupların ritorikası və baxışlarına yaxındır.


   

MÜƏLLİF

ANKET

Hökümətin ölkədə hansı sahəyə diqqətinin artırılmasını istərdiniz?

  • Elm-təhsil
  • Səhiyyə
  • Sosial Müdafiə
  • Ekologiya, təbii sərvətlər
  • Müdafiə-təhlükəsizlik
  • Mədəniyyət, incəsənət, ədəbiyyat
  • Kənd təsərrüfatı, aqrar sənaye
  • Sahibkarlıq, sənaye (zavod, fabrik)