vaxtlı-vaxtında oxuyun! Çərşənbə axşamı, 15 oktyabr 2019
1 ABŞ dolları 1 USD = 1.7 AZN
1 Avro 1 EUR = 1.928 AZN
1 Rusiya rublu 1 RUB = 0.0258 AZN
1 İngiltərə funt sterlinqi 1 GBP = 2.2014 AZN
1 Türkiyə lirəsi 1 TRY = 0.3228 AZN
Məhəmməd Əmin Rəsulzadə (1884 - 1955)

«Bir kərə yüksələn bayraq bir daha enməz!»

Məhəmməd Əmin Rəsulzadə (1884 - 1955)
BÖHRAN  
11:37 | 20 iyul 2019 | Şənbə Məqaləyə 752 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

“Müttəfiqə xas hərəkət deyil”

Keçmiş ABŞ kəşfiyyatçısı: “Ərdoğan NATO-da qalmaq istəyirsə, ...”

MÖVZU İLƏ ƏLAQƏLİ

Amerikanın keçmiş kəşfiyyatçısı, polkovnik-leytenant Rik Frankona və ABŞ dövlət katibinin keçmiş xüsusi məsləhətçisi Paul A. Qobl “Eurasia Diary”ə müsahibə verib.

Türkiyə Rusiyanın havadan müdafiə sistemi “S-400”ü aldı və onlar artıq Türkiyəyə çatdırılıb. Bu siyasi kurs ABŞ tərəfindən mənfi qarşılanıb. Pentaqon rəsmisi Ellen Lord ABŞ-ın Türkiyəni “F-35” proqramından çıxardığını açıqlayıb. “Eurasia Diary” ABŞ-Türkiyə münasibətlərinin son vəziyyəti barədə amerikalı ekspertlərə müraciət edib.

Keçmiş kəşfiyyatçı, polkovnik-leytenant və Yaxın Şərq üzrə analitik Rik Frankona fikirlərini saytımızla bölüşüb.

Frankona ABŞ-ın Türkiyəyə qarşı sanksiyalar tətbiq edəcəyinin mümkünlüyünə toxunub.

“Rusiyanın “S-400” (NATO: “SA-21”) havadan müdafiə sistemini aldığına görə Konqresin hər iki palatası tərəfindən Türkiyəyə qarşı sanksiyaların tətbiqinə dair tələblər var. Prezident Türkiyəyə qarşı iqtisadi sanksiyalarla və Türkiyəni sadəcə “F-35” proqramından çıxarmaq kimi gediş etməklə məsələni həll edəcəyinə ümid edir. Mən onun bunu edə biləcəyinə əmin deyiləm - ABŞ-ın buna görə sanksiya tələb edən qanunu var. O qanunla sanksiyalardan imtina edə bilər, amma Respublikaçı tərəfdarlarının dəstəyini itirərək siyasi riskə getmiş olacaq”, - deyən keçmiş kəşfiyyatçı Türkiyənin “F-35” proqramından çıxarılmasının səbəbini açıqlayıb: “Düşünmürəm ki, ABŞ dünyanın ən qabaqcıl beşinci nəsil, radara düşməyən, görünməz “F-35” təyyarələrini, Rusiyanın ən müasir havadan müdafiə sistemlərinin - “S-400”lərin satıldığı bir ölkəyə çatdırsın. Həssas texnologiyanın Moskvanın əlinə keçməsi riski çox yüksəkdir”.

Rik Frankonanın sözlərinə görə, Türkiyə biznes əlaqələri və təyyarə almaq imkanlarını itirir.

Hərbi ekspert Ərdoğanın Şərq siyasətinin uğurlu olmadığını düşünür. O hesab edir ki, Türkiyə prezidenti Rəcəb Tayyib Ərdoğan eyni zamanda həm ABŞ və həm də Rusiya, Çin, İran və hətta Pakistan kimi ABŞ-a düşmən olan dövlətlərlə münasibətləri saxlamaq istəyir: “Əgər o, Şərq istiqamətində bu xarici siyasətini davam etdirəcəyini və eyni zamanda Birləşmiş Ştatlarla yaxşı münasibət saxlaya biləcəyini düşünürsə, hesab edirəm ki, Ərdoğan səhv edir”.

Hərbi analitik həmçinin hesab edir ki, Ərdoğanın yürütdüyü siyasət NATO maraqlarına uyğun deyil.

“NATO hərbi ittifaqı Türkiyə daxil olmaqla Amerika Birləşmiş Ştatları və Avropalı müttəfiqlərimiz üçün ən azından indi önəmlidir. Ərdoğan NATO müttəfiqi olaraq qalmaq istəyirsə, o, birgə hərəkət etməyə başlamalıdır. Bizim əsas düşmənimizdən havadan müdafiə sisteminin satın alınması müttəfiqə xas hərəkət deyil”, - deyə, Rik Frankona bildirib.

ABŞ dövlət katibinin keçmiş xüsusi məsləhətçisi və siyasi analitik Paul A. Qobl da “Eurasia Diary”ə Türkiyə-Amerika münasibətlərini şərh edib.

Paul Qobl Trampın xarici siyasətdəki müvəffəqiyyətin ABŞ üçün pul qazancı kimi müəyyən etdiyini düşünür. O, kiminsə Amerika şirkətlərindən satın ala biləcəyini digərlərindən almasını istəmir.

“Tramp Türkiyənin ABŞ-dan həm təyyarələr, həm də havadan müdafiə sistemi almasını istəyir”.

Siyasi analitik hesab edir ki, ABŞ Türkiyəni Rusiyaya bağlı olmayan və ABŞ-dan asılı halda görmək istəyir.

P.S.: Rik Frankona təqaüdə çıxmış kəşfiyyatçı, bir sıra kitabların müəllifi, şərhçi və hərbi analitikdir. O, Birləşmiş Ştatların Hava Qüvvələrinin Yaxın Şərqdə təcrübə keçmiş təqaüdçü kəşfiyyat zabiti, Milli Təhlükəsizlik Agentliyi, Hərbi Kəşfiyyat və Mərkəzi Kəşfiyyat İdarəsi Agentliyi tərəfindən verilən tapşırıqları yerinə yetirmişdir.

P.P.S.: Paul A. Qobl Amerikalı analitik, yazıçı və Rusiya üzrə təcrübəsi olan köşə yazarıdır. Onun etnik və milli məsələlər üzrə 150-dən çox məqaləsi dərc edilib. Qobl dövlət katibi Ceyms Beykerin Sovet millətçiliyi və Baltik regionu ilə bağlı məsələlər üzrə xüsusi məsləhətçisi vəzifəsini icra edib.


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *