vaxtlı-vaxtında oxuyun! Bazar ertəsi, 16 iyul 2018
ABŞ dolları 1 USD = 1.7000 AZN
Avro 1 EUR = 1.9817 AZN
Rusiya rublu 1 RUB = 0.0273 AZN
İngilis funt sterlinqi 1 GBP = 2.2390 AZN
Türk lirəsi 1 TRY = 0.3502 AZN
Rauf Denktaş (1924 - 2012)

«Biz milli və mənəvi dəyərlərimizi qorursaq, o dəyərlər də bizi qoruyacaq»

Rauf Denktaş (1924 - 2012)
RƏY, REPLİKA  
18:45 | 9 mart 2018 | Cümə Məqaləyə 870 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

«Harrasment»

Şəhvətpərəst siyasilər üçün qorxunc kəlmə, şorgöz siyasətçilərin qadın düşkünlüyü başlarına bəla olmaqdadır

MÖVZU İLƏ ƏLAQƏLİ

«Harrasment» - Qərb siyasətində indi ən dəbdə olan sözlərdən birinə çevrilib. Bunu Azərbaycan dilinə daha çox «sataşma» kimi tərcümə etmək olar. Dünyanın əksər yerlərində, daha doğrusu, demokratik ölkələrdə tabeçiliyi altında olan qadına seks obyekti kimi baxan siyasətçilər bir gün ilişəcəklərindən əndişəlidirlər. Çünki yaxalandıqları və ifşa olunduqları anda onların karyerası, demək olar ki, bitmiş olacaq.

Lakin bunu parlamentdəki qadın müxbirlərə sataşan Rusiya Dövlət Dumasının beynəlxalq əlaqələr komitəsinin sədri Leonid Slutski haqqında söyləmək çətindir. Olub-bitənlər Slutskinin heç vecinə də deyil. Çünki müstəqil hüquq-mühafizə sisteminin mövcud olmadığı, Krılovun məşhur təmsilində olduğu kimi, güclülərin zəifləri əzdiyi Rusiyada Qərbdən fərqli olaraq belə işlər «ayıb» hesab edilmir.

Məsələn, uzaq Şərqin ən uzaq ölkələrindən birində, Cənubi Koreyada hakim partiyanın üzvü və vilayət quebrnatorlarından biri, An Hi Çjon zorlama ittihamı ilə üzləşdikdən sonra istefaya getməyə məcbur olub.

An Hi Çjon partiyasının yüksəlməkdə olan ulduzlarından və hətta 2022-ci ildə keçiriləcək prezident seçkilərində real namizədlərdən biri hesab olunurdu.

Onunla bağlı qalmaqal isə köməkçisi Kim Çi Inın təcavüz ittihamı ilə mətbuatda çıxış etməsindən sonra başlayıb. Əvvəlcə An Hi Çjon köməkçisi ilə intim əlaqəsini inkar etməyib və bunun qarşılıqlı istək zəminində baş verdiyini söyləyib. Lakin daha sonra o, nədənsə bu ifadəsindən vaz keçib və günahkar olduğunu ictimaiyyətə çatdırıb. Koreyalı siyasətçi Çxunçxon-Namdo vilayətinin rəhbəri postunu tərk etməli olub.

Kim Çi In An Hi Çjonin onu 4 dəfə zorla cinsi əlaqəyə məcbur etdiyini bildirib. Görünür, siyasətçi canını təkcə istefayla qurtara bilməyəcək. Çünki Cənubi Koreya polisi artıq cinayət işinə başlayıb.

Siyasətdəki seks qalmaqalları məsələsində lider olaraq ABŞ və Böyük Britaniya sayılır. Bu da olduqca təbiidir. Çünki başqa ölkələrdən fərqli olaraq burada siyasətçilər üzərində ictimai nəzarəti təmin edən azad mətbuat var.

ABŞ-da hazırda bu cür sataşma ittihamı ilə ən çox ölkənin birinci şəxsi, yəni Donald Tramp üzləşir. Bundan başqa, Minnesota senatoru El Franken, Nümayəndələr palatasının üzvü Stiv Libsok, Kolorado ştatından deputat (demokrat) Pol Rozentalın başı bu cür qalmaqallarla dərddədir.

Eyni sözləri Böyük Britaniya haqında söyləmək olar. Keçən ilin payızında bir neçə qadın birdən Uels hökumətinin naziri və Leyborist partiyasının üzvü Karl Sarceni onlara qarşı uyğunsuz davranış sərgilməkdə günahlandırdılar.

Bu ittihamlardan sonra Sarcen həm hökumətdəki, həm də Leyborist partiyasındakı mövqelərindən məhrum oldu. Bir neçə gün sonra isə onu öz evində ölü olaraq tapdılar.

Böyük Britaniyada bənzər ittihamlarla vəzifələri ilə vidalaşan siyasətçilər arasında keçmiş müdafiə naziri Maykl Fellon, mühafizəkar deputat Çarli Elfikeni də göstərmək olar. Bundan başqa, baş nazirin müavini Demien Qrirə qarşı da eyni ittihamlar səsləndirilib.

Fransanın Milli Assambleyasının vitse-spikieri Deni Bopen, Avstraliyanın baş nazirin müavini Barnabi Coysun adları da bu kimi qalmaqallarda çəkilib.

Seksual sataşmaya görə real olaraq həbs cəzası çəkənlərin başında isə İsrail prezidenti Moşe Katsavı qeyd etmək lazımdır. Katsav nə az nə çox, düz 10 qadını zorlamaqda ittiham olunub. Israil məhkəməsi onu 2011-ci ildə 7 il həbs cəzasına məhkum edib.


   

şərhləri göstər

DİQQƏT!

Əziz oxucular. Mövzudan kənar, müəllifin şəxsinə və təhqir sözlər olan şərhlər yolverilməzdir. Sadaladıqlarımızdan savayı bütün fikirləriniz bizim üçün dəyərlidir.

Hələlik rəy yoxdur.

Şərh əlavə etmək

* Daxil edilməsi vacibdir
(göstərilməyəcək)
 
Smile Sad Huh Laugh Mad Tongue Crying Grin Wink Scared Cool Sleep Blush Unsure Shocked
 
1000 ədəd
 
Yeni şərhlər barədə mənim email ünvanıma məlumat göndər.
 
Mənim blankımdakı məlumatları bu kompüterin yaddaşında saxla.
 
Mən şərtləri. oxuyub tanış olmuşam və qəbul edirəm *