vaxtlı-vaxtında oxuyun! Cümə, 24 may 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Üzeyir bəy Hacıbəyov (1885 - 1948)

«Əgər asudəlik istəyirsənsə, vaxtını hədər yerə itirmə»

Üzeyir bəy Hacıbəyov (1885 - 1948)
AVROPA  
19:40 | 7 dekabr 2022 | Çərşənbə Məqaləyə 929 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

“Sərt qanunlar üzərində işləyirəm”

Baş naziri Sunakdan tətil qərarı verən həmkarlar ittifaqına sərt xəbərdarlığı

MURAD

MÖVZU İLƏ ƏLAQƏLİ

Britaniyanın baş naziri Rişi Sunak hökumətin tətildə israr edən həmkarlar ittifaqlarına sərt reaksiya verə biləcəyi barədə xəbərdarlıq edib. Sunak, parlamentdəki çıxışında, “hazırda bu ölkədə işləyən ailələr çətinliklə üzləşirlər. Hökumət ağlabatan hərəkət etdi. Əmək haqqını yoxlayan qurumun tövsiyələrini qəbul etməklə biz bir çox hallarda özəl sektordan daha yüksək maaş artımına nail olmuşuq”, – o, deyib.

Tətil etməkdə israrlı olan işçiləri xəbərdar edən Sunak dedi: “Ancaq həmkarlar ittifaqı liderləri ağılsız olmağa davam edərlərsə, o zaman Britaniya xalqının həyatını və dolanışıq vasitələrini qorumaq üçün hərəkətə keçmək mənim borcumdur. Baş nazir olandan bəri insanları bu cür pozuntulardan qorumaq üçün yeni sərt qanunlar üzərində işləyirəm”.

İngiltərə Səhiyyə naziri Stiv Barklay, parlamentdə səhiyyə sektoru işçilərinin tətil qərarlarını dəyərləndirərkən, hökumətin ictimai işçilər üçün mövcud inflyasiya səviyyəsini yüksəldəcəyi təqdirdə, 28 milyard funt sterlinq əlavə xərc yarana biləcəyini bildirib.

Britaniya hökuməti nəqliyyat sektorunda çalışanları tətil etmək qərarına gəldikləri günlərdə belə minimum səviyyədə xidmət göstərməyə məcbur edən qanun layihəsini parlamentə təqdim etmişdi.

Ekspertlər düşünürlər ki, Britaniya hökuməti gələcəkdə bu qanun layihəsini genişləndirərək digər sektorları da əhatə edə bilər.

Ölkədə dəmiryolçuların 13-17 dekabr və 3-7 yanvar 2023-cü il tarixlərində, Şotlandiya istisna olmaqla, bütün ölkədə səhiyyə işçilərinin isə 15-20 dekabr tarixlərində kollektiv tətilə çıxması planlaşdırılır.

İngiltərə iqtisadiyyatı bu ilin üçüncü rübündə yüzdə 0,2 daraldığı halda, İngiltərə Bankı ölkənin tənəzzülə girdiyini açıqladı.

Bu ilin noyabr ayında ölkədə ərzaq məhsullarının qiymətləri 14,6 faiz artıb.

Böyük Britaniyada inflyasiya, xüsusilə enerji və ərzaq qiymətləri ilə yüksəlməyə davam edərək, oktyabr ayında illik 11,1 faizlə 41 ildə pik həddinə çatdı.