vaxtlı-vaxtında oxuyun! Cümə, 29 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Məhəmməd Hüseyn Şəhriyar (1906 - 1988)

«Yetər İran odlarından
od ələndi başımıza,
Dur ayağa! Ya azad ol,
ya tamam yan, Azərbaycan!»

Məhəmməd Hüseyn Şəhriyar (1906 - 1988)
GÜNDƏM  
21:35 | 20 dekabr 2022 | Çərşənbə axşamı Məqaləyə 7799 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Murun İrəvan səfəri

“MI-6” rəhbərini Ermənistana gətirən səbəb

İbrahim NƏBİOĞLU

MÖVZU İLƏ ƏLAQƏLİ

Ermənistan Təhlükəsizlik Şurasının katibi Armen Qriqoryan dekabr ayının 13-də Londona səfər etmiş, Leo Dokerti (Leo Dockerty, Avropa məsələləri üzrə nazir) ilə görüşmüşdü. Bu görüş Laçın dəhlizinin bağlanmasının ertəsi günü baş vermişdi. Bəlkə elə buna görə Riçard Murun gözlənilməz İrəvan səfərinin məqsədini müxtəlif şəkildə yozmuşdular.

Bu arada xatırladım ki, Leo Dockerty keçmiş hərbçi və silah üzrə mütəxəssisidir, İraq və Əfqanıstanda hərbi xidmətdə olub, silah ixracı komitəsinin üzvü idi, hazırda isə həm də müdafiə büdcəsi komitəsinin üzvüdür.

Son aylar mediada Ermənistanın İrandan pilotsuz təyyarələr almağı planlaşdırdığı barədə xəbərlər yayılır. Bu ehtimalı Xamneyiyə yaxınlığı ilə tanınan İslam İnqilabı Keşikçiləri Korpusunun generalı Yəhya Səfəvi irəli sürmüşdü. Molla rejimi İran üçün strateji baxımdan qəbuledilməz olan Ermənistan-İran sərhədini aradan qaldıracaq Zəngəzur dəhlizinin yaradılmasına etiraz edir. Tehran İsrailin bölgədəki “oyuna” qoşulmasına da qarşı çıxır. Azərbaycanın Tel-Əvivdə səfirlik açmasını isə heç bir vəchlə həzm edə bilmir.

Bu fonda Tehran Ermənistanın rolunu aktivləşdirməyə cəhd edir, Qarabağla bağlı razılaşmaların reallaşmasını pozmağa çalışır. Armen Qriqoryan Tehranla əlaqələri gücləndirir, gedib İranın güc strukturlarının əsas fiqurlarından biri olan İran Təhlükəsizlik Şurasının rəhbəri Əli Şamxani (keçmiş müdafiə naziri) ilə görüşmüşdü. Bu hadisələrin davam etdiyi günlərdə Ermənistan özünün Xarici Kəşfiyyat Xidmətini yaratdı.

Ola bilsin ki, Riçard Mur (Richard Moore) Ermənistanı atacağı addımlardan yayındırmağa gəlmişdi. MI6 şefinin ermənilərin İranın Türkiyə və Azərbaycana qarşı apardığı siyasətə tərəf olmamaq üçün Paşinyana şəxsən xəbərdarlıq etməyə gəldiyi ehtimal edilir. Laçın dəhlizi ətrafındakı gərginliyin davam etdiyi günlərdə MI6-nın ortalığa çıxması ibrətamizdir. 

Dünyanın ən güclü kəşfiyyat idarəsinin şefinin Paşinyanla görüşməsi Qarabağda yeni proseslərinin xəbərçisidir...


   

MÜƏLLİF

ANKET

Hökümətin ölkədə hansı sahəyə diqqətinin artırılmasını istərdiniz?

  • Elm-təhsil
  • Səhiyyə
  • Sosial Müdafiə
  • Ekologiya, təbii sərvətlər
  • Müdafiə-təhlükəsizlik
  • Mədəniyyət, incəsənət, ədəbiyyat
  • Kənd təsərrüfatı, aqrar sənaye
  • Sahibkarlıq, sənaye (zavod, fabrik)