Ağ Evdə paraflanan Sülh Müqaviləsi Azərbaycan tarixinin ən mühüm siyasi dönüş nöqtələrindən biridir.

Bu sənəd yalnız diplomatik bir protokol deyil — Azərbaycan xalqının onillərlə davam edən mübarizəsinin siyasi zəfəridir.

Bu sənəd illərlə sürən mübarizəmizin, şəhidlərimizin qanı bahasına qazanılmış Qarabağ zəfərinin diplomatik möhürüdür.

Əldə etdiklərimiz:

– Zəngəzur dəhlizinin açılması (Sənədə "Tramp Marşrutu" (TRIPP) kimi tanınsa da xalq onun tarixi adını — Zəngəzur dəhlizi adını yaşadacaq);

– Qarabağ artıq problem deyil, qalibiyyətin simvoludur!

– Minsk Qrupunun tarixin zibilliyinə atılması (Faydasız “appendiks” kəsilib atıldı);

– Naxçıvana quru yol (Azərbaycanın əsas hissəsi ilə Naxçıvan arasında birbaşa əlaqə təmin olunur);

– Beynəlxalq təhlükəsizlik təminatı (Xarici hərbi güclər bizim yox, Ermənistan torpaqlarında yerləşəcək);

– Sərhədlərin tanınması (Suverenlik qarşılıqlı təsdiq olunur);

– Qisas planlarının rədd edilməsi (Artıq silahlar danışmayacaq, tərəflər gələcəkdə hər hansı silahlı münaqişə ehtimalını rədd edir, davamlı sülhə söz verirlər);

Əslində isə əl edəcəklərimiz sadaladıqlarımdan qat-qat çoxdur.

Lakin ən böyük geosiyasi dönüş nöqtəsi — Rusiyanın Çarlıq dövründən bolşeviklərə, oradan da indiki Kreml siyasətinə qədər uzanan Cənubi Qafqaz ekspansiyasının sona yaxınlaşmasıdır.

Moskvanın bölgədəki hərbi-siyasi varlığını itirməsi, çox yaxında bütün Qafqazın azad olunmasına yol açacaq.

Bu, təkcə Azərbaycanın deyil, bütün regionun gələcəyini dəyişdirəcək cahanşümul bir hadisədir.

Prezident İlham Əliyevin Ağ Evdəki qürurlu, məğrur qalib duruşu…

Bu mənzərə unudulmayacaq, hafizəmizdən silinməyəcək!

Bu gün biz Millət olaraq daha güclüyük, daha qürurluyuq!

Qarabağ azaddır!

Zəngəzur bizimlədir!

Sülh bizim qələbəmizdir!

Bütün xalqımıza gözaydınlığı verir,

Dövlət Başçımızı qürurla təbrik edirəm!

Yaşasın Şanlı Ordumuz!

8-9 avqust 2025