vaxtlı-vaxtında oxuyun! Cümə, 29 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Əbülfəz Elçibəy (1938 - 2000)

«Dil uğrunda mübarizə millətin son - ölməmək mübarizəsidir»

Əbülfəz Elçibəy (1938 - 2000)
GÜNDƏM  
01:41 | 29 noyabr 2022 | Çərşənbə axşamı Məqaləyə 561 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

“İmkan verməyəcəyik”

NATO Putinin yeni planını açıqladı

XALİDƏ

MÖVZU İLƏ ƏLAQƏLİ

NATO-nun baş katibi Yens Stoltenberq Rusiya prezidenti Vladimir Putinin qışdan Ukraynaya qarşı silah kimi istifadə etməyə çalışdığını bildirib və Ukraynanın elektrik şəbəkəsi və təbii qaz infrastrukturuna hücumların davam edəcəyini gözlədiyini bildirib. “Biz Putinin qalib gəlməsinə imkan verə bilmərik”, – Stoltenberq bildirib.

Stoltenberq 29-30 noyabr 2022-ci il tarixlərində Rumıniyanın paytaxtı Buxarestdə keçiriləcək NATO Xarici İşlər Nazirləri toplantısından əvvəl Rumıniya Prezidenti Klaus Yohannis ilə birgə mətbuat konfransı keçirib.

Xarici işlər nazirlərinin Ukraynaya mümkün dəstək yollarını müzakirə edəcəklərini ifadə edən Stoltenberq, “Putinin qalib olmasına imkan verə bilmərik. Bu, hədəflərə güc vasitəsilə nail oluna biləcəyi mesajını verir”, – dedi.

Rusiyanın Ukraynanın elektrik şəbəkəsinə, təbii qazına və əsas xidmət infrastrukturuna hücumlarının davam edəcəyinin ehtimalının olduğunu ifadə edən Stoltenberq, “Sərt soyuqlar düşərkən bunu edirsə, deməli Putinin hazırda qışdan bir silah kimi istifadə etməyə çalışır”, – baş katib vəziyyəti qiymətləndirərkən deyib.

NATO baş katibi bildirib ki, xarici işlər nazirləri iki günlük iclasda Rusiyanın təzyiqinə qarşı Bosniya və Herseqovina, Gürcüstan və Moldovaya veriləcək yardımı da müzakirə edəcəklər.

Prezident Yohannis ölkəsinin NATO-nun kollektiv müdafiəsinə mühüm töhfələr verməyə davam edəcəyini vurğulayıb.

NATO və müttəfiq ölkələrin Rumıniyada əhəmiyyətli qüvvələr yerləşdirdiyini bildirən Yohannis Rumıniyanın hazırda təxminən 5 min müttəfiq əsgərinə ev sahibliyi etdiyini bildirib.

Jurnalistin sualına Yohannis “Çoxlu sayda müttəfiq qoşunlarına ehtiyac var, lakin bu kifayət deyil. Möhkəm çəkindirmə və müdafiəni təmin etmək üçün avadanlıq, daha doğrusu, əvvəlcədən yerləşdirilmiş avadanlıq lazımdır”, – dedi.

Madrid sammitində alınan qərarları “olduqca ümumi” adlandıran Yohannis, “Hücum zamanı hansı əsgərlərin göndəriləcəyini çox dəqiq bilmək lazımdır. Konkret planlara ehtiyac var. Bu cür qərarları son dəqiqəyə buraxa bilmərik”, – dedi.