vaxtlı-vaxtında oxuyun! Bazar ertəsi, 17 mart 2025
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Heydər Əliyev (1923 - 2003)

«Müstəqillik yolu qədər çətin yol yoxdur»

Heydər Əliyev (1923 - 2003)
BÖHRAN  
21:32 | 16 mart 2025 | Bazar Məqaləyə 16 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

“Vaxtınız bitdi”

Tramp Husilərə “görmədiyiniz cəhənnəmə şahid olacaqsınız” deyib

CAVİD

MÖVZU İLƏ ƏLAQƏLİ

ABŞ prezidenti Donald Tramp dünən bəyan edib ki, o, ABŞ ordusuna Yəməndə husilərə qarşı böyük hərbi əməliyyat keçirməyi əmr edib. Tramp husilərə sərt xəbərdarlıq edərək, “Vaxtınız bitdi, hücumlarınız bu gündən dayandırılmalıdır, əks halda daha əvvəl görmədiyiniz cəhənnəmə şahid olacaqsınız”, – deyib. Husilərə bağlı media orqanları axşam saatlarında bir neçə hava hücumunun həyata keçirildiyini, bəzilərinin paytaxt Sənanı hədəf aldığını bildirib.

Tramp “Truth Social” sosial media platformasındakı paylaşımında ABŞ-ın husilərə qarşı qərarlı və güclü hərbi əməliyyat başlatdığını və husilərin nəzarəti altında olan bölgələrdə onlarla hədəfi vurduğunu bildirib. ABŞ bayraqlı sonuncu ticarət gəmisinin Süveyş kanalı, Qırmızı dəniz və ya Ədən körfəzindən təhlükəsiz şəkildə keçməsindən bir ildən çox vaxt keçdiyini qeyd edən Tramp, “Gəmiçiliyə hücumların qarşısını almaq məqsədimizə çatana qədər öldürücü güc tətbiq edəcəyik”, – dedi.

Tramp həmçinin İrana xəbərdarlıq edərək bildirib ki, Husilərə dəstəyi dərhal dayandırılmalıdır.

ABŞ-ın “The New York Times” (NYT) qəzeti, hava və dəniz hücumlarının Qırmızı dənizdə beynəlxalq gəmiçilik yollarını açmaq üçün radarları, hava hücumundan müdafiə sistemlərini, raket sistemlərini və pilotsuz uçuş aparatlarını (PUA) hədəf aldığını bildirib. Qəzet ABŞ rəsmilərinə istinadən yazıb ki, hərbi əməliyyat İrana xəbərdarlıq göndərmək məqsədi daşıyır. Qəzetin yazdığına görə, əməliyyat bir neçə gün davam edə və husilərin cavabından asılı olaraq daha şiddətli xarakter ala bilər.