ABŞ və Kiyev administrasiyası Rusiyanın birtərəfli qaydada Rusiya-Ukrayna müharibəsində ittiham olunduğu qətnamə layihəsinin hazırkı formada Birləşmiş Millətlər Təşkilatının (BMT) Baş Assambleyasına təqdim edilməsi ilə bağlı razılığa gələ bilməyib.

“Wall Street Journal” (WSJ) bəzi avropalı diplomatlara istinadən xəbər verir ki, Rusiya-Ukrayna müharibəsinin üçüncü ildönümündə Rusiyanı müharibənin yeganə günahkarı kimi göstərmək məsələsində ABŞ administrasiyası Kiyev administrasiyasından fərqli baxışa malikdir.

Diplomatik mənbələr, Avropa Birliyi ölkələrinin Ukraynanın bazar ertəsi, fevralın 24-də BMT-yə təqdim etməyə hazırlaşdığı qətnaməni dəstəklədiyini, ABŞ isə Ukraynadan layihəsində “Müharibənin yeganə məsul tərəfi kimi Rusiya qınanmalıdır” cümləsinə dəyişikliklər etməsini istəyib.

BMT Baş Assambleyasında 193 ölkədən 100-dən çoxunun Ukraynanın qanun layihəsini dəstəkləyəcəyini iddia edən avropalı diplomatlar Rusiyanın Ukraynanın təqdim etdiyinə deyil, ABŞ-ın təqdim etdiyi qətnaməyə səs verəcəyini proqnozlaşdırıblar.

“Ukraynanın qətnamə layihəsinin əleyhinə səs verməyi planlaşdırırıq”, – deyən ABŞ diplomatik mənbələri Avropa paytaxtlarına göndərilən notada “Ukrayna və Rusiya da daxil olmaqla, bütün üzv dövlətlər üçün məqbul olacağına inandığımız qısa və sadə mətn üzərində işləyirik. Sizi Ukraynanın öz qətnaməsini geri çəkməsi üçün bizə qoşulmağa çağırırıq”, – yazılıb.

Həmçinin bildirilirdi ki, ABŞ “müharibənin kim tərəfindən başladığına istinad etməyən və Kremldən konkret tələb irəli sürməyən” qətnaməsi müharibənin üçüncü ildönümünün qeyd olunacağı fevralın 24-də BMT Təhlükəsizlik Şurasında müzakirəyə çıxarıla bilər.

Diplomatlar həm ABŞ, həm də Ukrayna qətnamələrinin də BMT Baş Assambleyasında səsverməyə çıxarıla biləcəyi ehtimalını qeyd ediblər.

ABŞ prezidenti Donald Tramp Ukrayna-Rusiya müharibəsinə son qoymaq üçün Rusiya ilə sülh danışıqlarına başlayıb və Ukrayna prezidenti Vladimir Zelenskini və AB administrasiyasını tənqid edib.