Avropadan Mordora siqnal
Qərar işğalçı Rusiya üçün yaxşı mesajdır
Şahin CƏFƏRLİ
MÖVZU İLƏ ƏLAQƏLİ
-
Moskvanın pulları Kiyevə xərclənir
Dondurulmuş Rusiya aktivlərindən gələn 1,5 milyardlıq gəlir Ukraynaya köçürülüb
-
Moskva-Buxarest böhranı təkrarlanıb
Rumıniya və NATO rəsmiləri PUA qalıqları ilə bağlı ard-arda açıqlama verib
-
Rus əsgərlərinə telefon qadağası
Ukrayna cəbhə xəttində qaydanı pozanlar 15 sutka həbslə cəzalandırılacaq
-
Çindən gözlənilməz Rusiya qərarı
Ukrayna son anda açıqladı
-
1,9 milyonluq təşviq
Moskva meri: “Bir il cəbhədə qalmaqla 5,2 milyon qazanmaq da mümkündür”
-
Vaxt ilə mesaj verən beynəlxalq əməliyyat!
Hakerlərin əldə etdiyi Rusiya-Hindistan arasında imzalanan “S-400” sövdələşməsinin təfərrüatları və sənədləri
-
Rusiya nüvə təlimləri keçirdi
Ukrayna PUA-sı isə Krasnodarda Qafqaz limanını vurdu
-
Sabiq deputat küçənin ortasında öldürülüb
“Rusca danışanların çənələri qırılmalıdır” fikri ilə məşhurlaşmışdı
-
“Trampla işləmək çətin olacaq”
Zelenski müharibə bitənə qədər postunda qalacaq
-
“Nə qədər davam edərsə etsin, ...”
Britaniyanın baş naziri Starmer: “... Biz Ukraynanın yanında olacağıq”
-
“Münasibətləri yenidən quracağıq”
Starmerdən AB mesajı: “Təhlükəsizlik və rifah naminə güclü bir qüvvə kimi görürəm”
-
İqamətgahına HHM sistemləri qurdurdu
Ukraynanın PUA hücumundan qorxan Putin sarayını qalaya çevirdi
-
Kremlin Qara dəniz əndişəsi
“NATO-nun gəmilərinin cəmləməsinə imkan verən strategiya bizim üçün təhlükədir”
-
“İstanbulda sülh əldə olunmaq üzrə idi”
Rusiyalı nazir müharibənin bitirmə şərtini açıqladı
-
“Müharibə elan etməyə bərabərdir”
“NATO-nun ağıllı addımı planetin məhvinin qarşısını ala bilər”
-
Moskva Afinaya qəzəblidir
Yunanıstan “F-16”lar üçün yeni formul tapıb
Ukrayna və Moldova Avropa Birliyi üzvlüyünə rəsmi namizəd ölkə statusu aldılar. Hər iki ölkə, xüsusən böyük bir düşmənlə çətin müharibə şəraitində olan Ukrayna üçün tarixi qərardır.
Aydındır ki, üzvlük yaxın gələcəyin işi deyil, bunun üçün ən azı “Kopenhagen” və “Maastriht” kriteriyalarına uyğunlaşmaq lazımdır. Buna isə xeyli vaxt (yəqin ki, azı 10, bəlkə 15 il) lazım olacaq. Lakin 24 fevral 2022-ci ilə qədər bu barədə ümumiyyətlə, söhbət belə yox idi. Ukrayna namizəd statusu bir yana, adicə üzvlük perspektivi almaq üçün mübarizə aparırdı, ona nail olmağa çalışırdı ki, Avropa Birliyi Ukraynanın bütün kriteriyalara uyğunlaşacağı halda, nə vaxtsa təşkilata üzv qəbul ediləcəyini rəsmi qərarla vəd etsin.
Namizəd statusu almaq o mənaya gəlir ki, həmin ölkə rəsmən Avropa ailəsinin bir parçası elan olunur. Qərar hazırkı ağır şəraitdə Ukrayna dövləti və xalqı, o cümlədən cəbhədəki əsgərlər üçün böyük mənəvi dəstək və stimuldur. Bu, o deməkdir ki, 2014-cü ildən - Avromaydandan bəri axan qanlar yerdə qalmadı və qalmır, verilən itkilər hədər getmədi və getmir...
Namizəd ölkə üçün üzvlük prosesi uzana bilər, hətta bəlkə sonda həmin ölkəni qəbul etməyə də bilərlər, amma “Kopenhagen” və “Maastriht” kriteriyalarını yerinə yetirmək Avropa Birliyi standartlarında bir dövlətə çevrilmək deməkdir. Bununla bağlı son illərə qədər Türkiyə prezidenti Ərdoğanın tez-tez təkrarladığı yaxşı fikir var idi, o bildirirdi ki, bizi qəbul etmirlər-etməsinlər, Kopenhagen kriteriyalarını “Ankara kriteriyaları” adlandırıb, yolumuza davam edəcəyik, çünki bu, bizim öz xalqımıza lazımdır. (Amma etmədi.) İndi bu kriteriyalar Ukrayna üçün konkret bir yol xəritəsi rolunu oynayacaq və Ukrayna xalqı tələb olunan dəyişiklikləri, modernizasiyanı reallaşdıra bilməyən hökumətin yaxasına yapışacaq, lazım olsa, onları kabinetlərindən bayıra atıb, başqaları ilə əvəzləyəcək.
Qərar işğalçı Rusiya üçün də yaxşı mesajdır. Dörd ay əvvəl Putin rejimi müstəqil, milli Ukrayna dövlətini ortadan qaldıraraq onu öz qaranlıq təsir sferasına qaytarmaq niyyəti ilə müharibəyə başladı. (Rusiya üçün Mordor – Zülmət diyarı bənzətməsi çox yerinə düşür). Lakin dörd ay sonra Brüsseldən rəsmi siqnal aldı ki, Ukrayna Avropa ailəsinə aid olan suveren dövlətdir.
“Mordor”a ən ciddi siqnalı isə Ukrayna xalqı özü verməkdədir: onlar hər cür itkiləri gözə alıb, qaranlıq və “it hürən” tərəfdən işıq gələn tərəfə addımlamaqda qərarlıdır. Ukrayna himninin 1862-ci ildə etnoqraf-folklorçu Çubinski tərəfindən yazılmış sözləri bu günlə inanılmaz dərəcədə səsləşir.