![](img/left_arrow.jpg)
![](img/right_arrow.jpg)
Alman kəşfiyyatından “sabotaj” xəbərdarlığı
Dondurulmuş Rusiya aktivlərindən gələn 1,5 milyardlıq gəlir Ukraynaya köçürülüb
Rumıniya və NATO rəsmiləri PUA qalıqları ilə bağlı ard-arda açıqlama verib
Keçmiş müdafiə nazirinin müavini korrupsiyada günahlandırılır
Ukrayna cəbhə xəttində qaydanı pozanlar 15 sutka həbslə cəzalandırılacaq
Rusiya PUA-ları Avropa istiqamətində Ukrayna sərhədini keçib
Moskvadan İrəvana xəbərdarlıq...
Ukrayna son anda açıqladı
Britaniya təyyarələrinə qarşı Rusiya qırıcısı havaya qaldırılıb
“Qərbin məqsədi, ölkələri təxribata çəkmək, müharibə və qan tökməkdir”
Moskva meri: “Bir il cəbhədə qalmaqla 5,2 milyon qazanmaq da mümkündür”
Avtomobilinə bomba qoyulan Torqaşov işğalçı müharibədə iştirak edib
Baş Qərargah rəisi ordunun vəziyyətini tənqid edib: “Kadr, texnika, ehtiyat, təlim və texnologiya çatışmazlığı var”
Hakerlərin əldə etdiyi Rusiya-Hindistan arasında imzalanan “S-400” sövdələşməsinin təfərrüatları və sənədləri
Ölümlə oyundan qalib çıxan Tramp Putinin qarşısında zəif görünməyi qəbul edəcəkmi?
Ukrayna PUA-sı isə Krasnodarda Qafqaz limanını vurdu
Xersondan çıxmağa məcbur olmuş Rusiya ümidini ABŞ-dakı seçkilərə bağlamışdı ki, bu cəbhədə də vəziyyət ürəkaçan olmadı. Putin və ətrafı Respublikaçılar partiyasının aralıq seçkilərdə inamlı qələbə çalacağını və bununla da ABŞ-ın Ukraynaya hərbi və maliyyə yardımlarının azalacağını düşünürdülər ki, bu da alınmadı. Ümumiyyətlə, Rusiya prezidenti Vladimir Putin üçün vəziyyət istisnasız olaraq bütün sahələrdə mümkün qədər pis inkişaf edir. Dünən səhər Rusiya Federasiyası Təhlükəsizlik Şurasının katibi Nikolay Patruşevin danışıqlar apardığı İrandan da bəd xəbər gəlib. Patruşev deyib ki, hətta Putinin Ukraynada cəbhədə qoyduğu minimum tapşırıqların həlli üçün lazım olan miqdarda ballistik raketlərin və pilotsuz uçuş aparatlarının tədarükü ilə bağlı İran rəhbərliyi ilə razılaşmaq mümkün deyil. Patruşev yalnız gələn ilin yazında tədarükün mümkün artırılması barədə razılığa gələ bilib. Bu il və gələn ilin əvvəlində İran rəhbərliyi ümumilikdə 287 ədəd pilotsuz uçuş aparatlarının tədarükünü təsdiqləyib.
Ballistik raketlərlə bağlı vəziyyət daha da mürəkkəbdir, Tehran tədarükün əleyhinə görünmür, lakin az miqdarda raketlərin buraxılmasına razılaşa bilər ki, o da hələ naməlum vəziyyətdədir. İrandan gələn bəd xəbər Putinin Xersonu təslim etmək qərarında “son damla” oldu. Cəbhədə vəziyyət elədir ki, mövcud tendensiyaları nəzərə alsaq, Rusiya qoşunları gələn ilin yayına qədər Ukraynanın bütün işğal olunmuş ərazilərini tərk etməyə məcbur olacaq və Krımda müdafiədə möhkəmlənməyə çalışacaq, eyni zamanda Bryansk, Kursk, Belqorod, Voronej və Rostov vilayətlərinin bəzi ərazilərinə nəzarəti itirəcək. Bu, həm Rusiya Federasiyası Təhlükəsizlik Şurasının ekspertlərinin, həm də Rusiya Federasiyası Müdafiə Nazirliyinin və Silahlı Qüvvələrin Baş Qərargahının rəhbərliyinin rəyidir. Səfərbər olanlar öz canları bahasına hərbi məğlubiyyətin son hissəsini gecikdirməli olacaqlar, amma nəticə eynidir və buna heç kimin şübhəsi yoxdur. Putinin dünən Ukraynanın enerji infrastrukturuna qarşı raket və pilotsuz uçuş aparatlarının qalıqları ilə növbəti kütləvi raket zərbəsi hazırlamaq tələbinə baxmayaraq, Ukraynada enerji “apokalipsisi” ən azı təsdiq edilmiş miqyasda təşkil olunmayıb.
Müxtəlif formatlarda çoxsaylı kontaktlar vasitəsilə aparılan danışıqlar nəticə vermir. Ukrayna tərəfi hərbi yolla qələbə qazanacağına əmindir və Rusiya qoşunlarının Ukraynanın bütün ərazisindən tamamilə çıxarılması tələbini irəli sürərək, hətta minimal güzəştlərdən də imtina edir və demilitarizasiya olacağı təqdirdə (ehtimal ki, belə də olacaq) yalnız Krım müzakirə mövzusu ola bilər. Bu şərtlər Putin üçün hələ daxilən məqbul deyil, buna görə də vəziyyət ağırdır. İndi daimi stress altında olan prezidentin səhhəti getdikcə həkimləri və Putinin yaxınlarını narahat edir. Xərçəng xəstəliyinə görə Putinin ciddi həzm problemləri var və son bir neçə ay ərzində ciddi pəhriz saxlayıb. Putin daim dərman qəbul edir və prezidenti ictimai nümayişə hazırlamaq getdikcə çətinləşir. Buna şəxsi təhlükəsizlik baxımından artan riskləri də əlavə etmək lazımdır. Bütün problemlər kompleksi prezidentin yeni ildən sonra “özünütəcrid” rejiminə keçmək və vaxtının çox hissəsini təchiz olunmuş “bunker” iqamətgahlardan birində keçirmək qərarına gəlməsi ilə nəticələnib. Bu qərarın Yeni ildən dərhal sonra və ya qısa müddət sonra həyata keçiriləcəyi ilə bağlı prezident “özünütəcrid”dən bir az əvvəl məlumat verəcəyini vəd edib.