Serbiya Milli Assambleyasında baş nazir Miloş Vuçeviçin istefası və ali təhsil qanununun müzakirə edildiyi iclasda müxalifətlə hökumət deputatları arasında dava düşüb. Parlament sədri Ana Brnabiçin sədrliyi ilə keçirilən iclasda gündəm təsdiqləndikdən sonra “Yaşıl Sol Cəbhə”dən olan deputat Radomir Lazoviç kürsüyə yaxınlaşanda parlamentin təhlükəsizliyi müdaxilə edib və qarşıdurma yaranıb.

Müxalifət deputatları zala tüstü bombaları atıb parlament qara dumana bürünüb. Dava zamanı bəzi deputatlar xəsarət alıb. Parlament sədri Brnabiç tüstü bombası ilə başından vurulan bir millət vəkilinin beyninə qan sızdığını və həyatının təhlükədə olduğunu açıqlayıb. Hadisələrdən sonra iki deputat istefa verib və parlament binası qarşısına xeyli insan toplaşıb.