“Standard & Poor's” (S&P) dünən dərc etdiyi hesabatda Səudiyyə Ərəbistanının yerli və xarici valyutada kredit reytinqini stabil proqnozla “A+” səviyyəsinə qaldırıb.

Təşkilat bu qərarın Səudiyyə Ərəbistanının iqtisadiyyatın şaxələndirilməsində davam edən tərəqqisi, qeyri-neft sektorunun yüksələn xətlə böyüməsi və yerli kapital bazarının inkişafı nəticəsində qəbul edildiyini və bunun “Vizion 2030” məqsədlərinə nail olmaq üçün qoyulan xarici dövlət borcunun və borc xidmətinin xərclərinin artması risklərini kompensasiya etdiyini vurğulayıb.

S&P, 2025-2028-ci illərdə ÜDM-in real artımının orta hesabla 4 faiz olacağını təxmin edir və Səudiyyə hökumətinin investisiyaları təşviq etmək tədbirlərinin qeyri-neft inkişaf perspektivlərini dəstəkləyəcəyini və orta müddətli dövrdə iqtisadiyyatın dayanıqlığını artıracağını qeyd edir.