
“Snapback”in müəllifi kimdir?
Sergey Lavrov və Zərif arasında qarşıdurma
Sergey Lavrov və Zərif arasında qarşıdurma
Deputatlığa namizəd Səfa əl-Məşhədani öldürüldü
Fars-molla rejimi artıq oyuncaqlardan da qorxur
İran məhkəməsi casusluqda günahlandırılan iki fransız vətəndaşı barədə hökm verdi
Yaxud istibdadın iki üzü
Sanksiyalardan ən çox ziyan çəkən əhali olacaq
İsrail casusu olduğu iddia edilən 10-cu şəxsi ən ağır cəza cəzalandırıldı
İran valyutası rekord həddə ucuzlaşdı
İranın nüvə proqramı barədə nə bilirik?
“BMT sanksiyaları Çinə neft satışını dayandıra bilməz”
Ravvinləri Bakıya dəvət edib-etməməyi mollalardan soruşmalıyıq?
İranlı deputat nüvə silahı prosesini gizli davam etdirməyi tələb edir
İki ölkə prezidenti İranın nüvə məsələsini müzakirə edib
Bakı ən azı texniki xarakterli razılıq əldə etmək üçün görüşlərin təşkilinə səy göstərir
Nüvə yoxlamalarının bərpasını təmin edəcək razılaşma əldə olundu
Hindistan-İran-Ermənistan yaxınlaşması
İranın hüquqi məsələlər üzrə vitse-prezidenti Məcid Ənsari hökumətin məcburi çadra qanununu indiki formada tətbiq etməyəcəyini və qanunun düzəlişlərlə birlikdə parlamentə göndəriləcəyini bildirib.
İranın yarı rəsmi xəbər agentliyi “Tasnim”in məlumatına görə, paytaxt Tehranda keçirilən tədbirdə çıxış edən prezidentin hüquqi məsələlər üzrə müavini Ənsari ölkədə əhalinin böyük bir hissəsinin qəzəbinə səbəb olan məcburi çadra qanunu ilə bağlı açıqlama verib.
Əvvəlki hökumət dövründə hazırlanan qanunun bəzi hissələrinin icra oluna bilməyəcəyini bildirən Ənsari, “Ölkənin maraqları naminə icra hakimiyyəti bu qanuna dəyişiklik Prezidentin Hüquq İdarəsi tərəfindən hazırlanaraq parlamentə göndərilənə qədər qanunun dərcini müvəqqəti olaraq əngəlləmək qərarına gəldi”, – deyib
***
Qanunun icrasını tələb edən ultra-mühafizəkar qruplar tərəfindən təşkil edilən “icazəsiz” nümayişlərə və kampaniyalara işarə edən Ənsari, “Seçkidən 8 aydan çox vaxt keçib, indi təbliğat mərkəzinizi bağlayın. Hökumət liderlərin dəstəyi ilə problemləri həll etməyə çalışdığı halda, bəziləri niyə digərlərini kənarda qoyur? Bu ölkədə hansı məmur çadraya inanmırmı? Biz bu məsələ ilə bağlı işimizi davam etdiririk. Niyə cəmiyyətin dincliyini pozursunuz, hər gün çirkin işlər görürsünüz? İndi bunun vaxtı deyil”, – deyib.
***
İranda məcburi çadra qaydasını pozduğuna görə 2022-ci ilin sentyabrında Məhsa Əmininin polis nəzarətində ölməsi ilə başlayan nümayişlər dörd aydan çox davam etdi və yüzlərlə insan həlak oldu.
Hadisələr sakitləşdikdən sonra Tehran kimi böyük şəhərlərdə bəzi qadınların ictimai yerlərdə, ticarət mərkəzlərində, kafelərdə, banklarda, məktəblərdə və küçələrdə çadra qaydasına əməl etmədiyi müşahidə edildi.
Qanun pozuntuları artdıqca, əvvəlki hökumət ictimai yerlərdə cərimələr, bank xidmətlərinin qarşısını almaq və ictimai fəaliyyətə qadağa qoymaq yolu ilə qanun pozuntularına qarşı mübarizə üçün qanun layihəsi hazırladı.
Qanun layihəsi parlament tərəfindən 2023-cü ilin sentyabrında qəbul edildi. Seçki kampaniyası zamanı qanunu tez-tez tənqid edən Məsud Pezeşkian prezident seçildikdən sonra qanunun qüvvəsi dayandırıldı.
Bəzi mühafizəkar siyasətçilər və din xadimləri ölkənin böyük bir seqmentinin qəzəbinə səbəb olan qanunun həyata keçirilməsinin vacibliyini önə çəksələr də, xüsusilə Tehranda hicab qaydalarına əməl etməyənlərin sayının artdığı və bu mövzuda heç bir təzyiqin olmadığı müşahidə edilir.
Parlament sədri Məhəmməd Baqir Qalibaf məcburi hicab qanununun Milli Təhlükəsizlik Şurasının qərarı ilə həyata keçirilmədiyini bildirmişdi.
Pezeşkian qanunun icrası ilə bağlı çağırışlara “Dövlət qanunlarına görə, xalqın əksəriyyətinin etiraz etdiyi qanunları həyata keçirmək mümkün deyil”, – deyə cavab verib.
Son zamanlar Tehranda Parlamentin ətrafı qanunun icrasını tələb edən qrupların nümayişlərinə səhnə olub. Nümayişçilərin çoxunun qadın olması diqqət çəkib.
Nümayişlər zamanı çıxış edən şəxs prezident Məsud Pezeşkianın ünvanına da təhqiramiz ifadələr işlədib.
Tehran valiliyi məsələ ilə bağlı verdiyi açıqlamada nümayişi icazəsiz və qeyri-qanuni elan edib.