vaxtlı-vaxtında oxuyun! Cümə, 29 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Səttar Xan (1866 - 1914)

«Türk milləti böyük bir daşa bənzər, çox gec qızar və gec də soyuyar»

Səttar Xan (1866 - 1914)
AVROPA  
12:51 | 9 iyul 2014 | Çərşənbə Məqaləyə 2313 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

İttifaq təkid etsə də Avropa Rusiyadan qırılmır

Rusiya və Serbiya «Cənub Axını» ilə bağlı müqavilə imzalayacaq

MÖVZU İLƏ ƏLAQƏLİ

İyulun 7-də Rusiyanın baş naziri Dmitri Medvedev Rusiya və Serbiyanın yaxın günlərdə «Cənub Axını» layihəsi üzrə müqavilə imzalayacağını bildirib. Müqavilə Moskvanın təbii qaz nəqlinin diversifikasiyası hədəfinə doğru mühüm addımdır. Bu barədə «New Europe» xəbər portalı məlumat verir.


«Layihə qarşılıqlı faydalıdır. Danışıqlarda ciddi irəliləyiş əldə etmişik», - serbiyalı həmkarı Aleksandr Vuçiçlə görüşdən sonra Medvedev deyib. Medvedev bildirib ki, prezident Vladimir Putinin müxtəlif tədbirlərdə dəfələrlə vurğuladığı kimi, «Cənub axını» layihəsi siyasiləşdirilməməlidir.

Vuçiç isə öz növbəsində bəzi texniki məsələlərin hələ qaldığını, lakin asanlıqla həll olunacağını vurğulayıb. «Rus dostlarımızla razılaşdığımız kimi, 4 məsələ qalır. Yaxın gələcəkdə bunların hər biri tam həllini tapacaq», - «RİA Novosti» agentliyinin Vuçiçə istinadən verdiyi xəbərdə deyilir.

Xatırladaq ki, iyunun ortalarında Moskva Avropa Komissiyasını «Cənub Axını» layihəsinin bəzi iştirakçılarını Rusiya ilə əməkdaşlıqdan çəkindirməkdə ittiham etmişdi.

Rusiyanın energetika naziri Aleksandr Novak təchizatçılarla müştərilər arasında münasibəti pozmaq üçün geosiyasi alətlərdən istifadə əleyhinə xəbərdarlıq edib. Novak Avropa Komissiyasının müraciətindən sonra Bolqarıstanın «Cənub Axını» layihəsi üzrə işləri dayandırmasına istinad edib.

Avropa Komissiyası hesab edir ki, Rusiyanın Bolqarıstan, Serbiya, Macarıstan və Sloveniya ilə ikitərəfli müqavilələri Avropa İttifaqının «Üçüncü Enerji Paketi» qaydalarına ziddir. Həmin qaydalara görə, qaz hasilatı ilə məşğul olan şirkətlər uzaq məsafəli boru kəmərinə sahib ola bilməzlər.

«Cənub Axını» layihəsi Rusiya təbii qazını Qara dənizin altı ilə Cənubi və Mərkəzi Avropaya çatdıracaq. Boru kəmərinin inşası 2012-ci ildə başlayıb. Avropaya ilk təbii qaz 2016-cı ildə nəql olunacaq. 2018-ci ildə isə boru kəməri tam istismara veriləcək.