vaxtlı-vaxtında oxuyun! Cümə, 29 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Məhəmməd Əmin Rəsulzadə (1884 - 1955)

«Bir kərə yüksələn bayraq bir daha enməz!»

Məhəmməd Əmin Rəsulzadə (1884 - 1955)
SƏNAYE - AĞIR, YÜNGÜL, AQRAR  
21:45 | 13 aprel 2016 | Çərşənbə Məqaləyə 3328 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Azərbaycanda quraqlıq təhlükəsi

Temperatur əvvəlki illərdən yüksək olacaq

TREND

MÖVZU İLƏ ƏLAQƏLİ

Bu il Azərbaycanda yenidən quraqlıq müşahidə olunacaq. Bu barədə Azərbaycan Milli Elmlər Akademiyasının (AMEA) Coğrafiya İnstitutunun İqlim və aqroiqlimşünaslıq şöbəsinin baş elmi işçisi, coğrafiya üzrə fəlsəfə doktoru Məhərrəm Həsənov deyib.

Son 7-8 ildə qlobal iqlim istiləşmələri səbəbindən Azərbaycanda hər il quraqlığın müşahidə olunduğunu deyən M.Həsənovun sözlərinə görə, ölkədə quraqlıq adətən iyulun sonuncu ongünlüyündən avqustun I ongünlüyünədək olan müddətdə müşahidə edilir.

M.Həsənov bildirib ki, ötən il iyulun 20-dən avqustun 25-dək ölkədə quraqlıq müşahidə edilmişdi. Bu il quraqlığın müşahidə ediləcəyi gözlənilsə də, onun intensivliyi ötən ilki kimi olmayacaq.

Alim qeyd edib ki, bu il quraqlığın iyulun 20-dək avqustun 5-dək olan müddətdə olacağı gözlənilir. Quraqlıq Kür-Araz ovalığında - Saatlı, Sabirabad, Salyan, Biləsuvar, Kürdəmir, İmişli, Neftçala rayonlarında, Qobustanda və Abşeron yarımadasında müşahidə ediləcək.

Bu il yayda Azərbaycanda havanın temperaturunun ötən illərlə müqayisədə 1-2 dərəcə yüksək olacağını deyən M.Həsənov əlavə edib ki, cari il quraqlığın müşahidə olunması bitkilərin inkişaf fazasını ləngidəcək, əsasən pambığın, bostan bitkilərinin məhsuldarlığını azalacaq.