
“RQ-4B Global Hawk” iş başında
ABŞ Qara dənizə nəhəng kəşfiyyat təyyarəsi göndərib
ABŞ Qara dənizə nəhəng kəşfiyyat təyyarəsi göndərib
Rusiya bu günə qədər Ukraynaya ən hücumu həyata keçirib
Rusiyada böyük türk hərəkatı ideyası
Kremlin şərtləri var
İşğalçı ordunun mülki avtobusu vurması nəticəsində 9 nəfər ölüb
Lavrovun hobbisi Hitlerdə də vardı...
... Və Trampın dəyişkən istəkləri
Zelenski Türkiyəni tərk edir
İstanbulda keçiriləcək Rusiya-Ukrayna danışıqları mətbuata qapalı olacaq
Rusiya təyyarəsi ölkəni həyəcan vəziyyətinə salıb
Zaxarova: “Ukraynanın nəyə və nə dərəcədə hazır olması İstanbulda bilinəcək”
Zelenskinin açıqlamasına Zaxarova zəhərini tökdü: “Fırıldaq sözünü kim deyir?”
Qitə ölkələrində məcburi hərbi xidmət geri qayıdır
“Sui-qəsd qorxusu Rusiya prezidentinin Kremldən çıxmağa qoymur”
Britaniya qəzeti Zelenskinin Putinə çağırışını “böyük qumar” adlandırıb
“Bütün müvafiq tərəfdaşlarla yaxşı əlaqələrə malikdir”
ABŞ-ın tanınmış qəzetlərindən olan “Wall Street Journal” (WSJ) NATO-nun Rusiya ilə mümkün müharibəyə hazırlaşdığı bir vaxtda daxili problemlərlə də mübarizə apardığını yazıb.
Xəbərdə 2014-cü ildə Moskvanın Krımı ilhaq etməsindən sonra “NATO Avropanın Rusiya sərhədinə göz dikib” ifadəsi işlədilib.
Təhlildə NATO-nun fevral ayında Latviyada başladığı “Sarsılmaz Müdafiəçi 24” təlimi ilə Moskva rəhbərliyinə “İttifaqın Rusiya sərhədindəki üzv ölkələri hər cür təhlükədən qorumağa hazır olduğu” mesajını verdiyi qiymətləndirilib.
Bütün NATO üzvlərinin iştirak etdiyi təlimlər mayın sonuna qədər mərhələli şəkildə davam edəcək.
NATO-nun Soyuq Müharibədən sonrakı ən böyük hərbi təlimi olan “Sarsılmaz Müdafiəçi 24”də ümumilikdə 90 minə yaxın əsgər, 1100 zirehli texnika, 80 döyüş təyyarəsi və 50 döyüş gəmisi iştirak edəcək.
Xəbərdə NATO-nun Finlandiya və İsveçin iştirakı ilə gücləndiyi bildirilərkən, ittifaqın xüsusilə Ukraynanın birliyə daxil olması və hərbi xərclərin artırılması kimi məsələlərdə fikir ayrılığı ilə mübarizə apardığı yazılıb.
Bundan əlavə, təhdidlərə yanaşma baxımından üzv ölkələr arasında əsaslı fikir ayrılıqlarının olduğu bildirilərkən, Türkiyə ilə bağlı aşağıdakı qiymətləndirmə də paylaşılıb:
“NATO terroru və Rusiyanı əsas təhlükələr sırasına daxil edir. Türkiyə və Aralıq dənizi sahillərində yerləşən digər üzv dövlətlərin bir çox rəsmiləri Rusiyadan daha çox regional münaqişələr, qeyri-qanuni miqrasiya və terrordan narahatdırlar”.
Yazılıb ki, NATO yaxın gələcəkdə Rusiyanın öz sərhədində yerləşən ölkələri işğal etməsini mümkün görmür, lakin Moskvanın bir neçə il ərzində belə bir addım atmaq üçün hərbi potensiala çatacağından narahatdır.
İddia olunurdu ki, Rusiya qısa müddətdə Ukraynanın Donetsk və Luqansk vilayətlərində olduğu kimi qonşu ölkələrdə vətəndaş iğtişaşları yarada və orada da münaqişələrə səbəb ola bilər.
ABŞ-ın aparıcı media qurumlarından CNN-in aprelin 13-də verdiyi hesabatda Rusiyanın hərbi potensialını artırdığına diqqət çəkilib. Kimliklərinin paylaşılmasını istəməyən ABŞ rəsmiləri Rusiyanın Sovet dövründən bu yana ən böyük hərbi ekspansiyaya məruz qaldığını və Çinin buna dəstək verdiyini iddia ediblər.
Digər tərəfdən, son zamanlar bir çox Avropa ölkələri Rusiyaya qarşı mümkün müharibəyə hazırlığa çağırış ediblər. Rumıniya Baş Qərargah rəisi Gheorghita Vlad fevral ayında verdiyi açıqlamada “Rusiya dünya nizamı üçün təhlükəyə çevrilib” demişdi.
NATO Hərbi Komitəsinin sədri admiral Rob Bauer də yanvarın 16-da verdiyi açıqlamada 20 il ərzində Rusiya ilə genişmiqyaslı müharibənin ola biləcəyini iddia etmişdi.
Eynilə Almaniyanın müdafiə naziri Boris Pistorius da həmin ay verdiyi açıqlamada Rusiyanın 5-8 il ərzində NATO ölkələrinə qarşı hərtərəfli əməliyyatlara başlayacağını proqnozlaşdırdıqlarını açıqlamışdı.