vaxtlı-vaxtında oxuyun! Cümə axşamı, 28 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Barış Manço (1943 - 1999)

«İnsanlar hər zaman qəhrəman ola bilməzlər, ama hər zaman insan ola bilərlər»

Barış Manço (1943 - 1999)
BÖHRAN  
22:47 | 26 iyun 2019 | Çərşənbə Məqaləyə 2567 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Jestin adı “B-52” və “F-22”

ABŞ İsrailə verəcəyi bombardmançılar və qırıcılar İranı aciz qoyacaq

MÖVZU İLƏ ƏLAQƏLİ

ABŞ İsrailə beşinci nəsil “F-22” “Raptor” çoxməqsədli qırıcıları və “B-52” zərbə bombardmançısı verəcək ki, İranın hərbi-hava qüvvələrinin onlara qarşı qoya biləcəyi heç nə yoxdur.

Virtualaz.org “The National Interest” nəşrinə istinadən xəbər verir ki, adəti üzrə İsrail ABŞ-dan istənilən silah və sursatı sərfəli şərtlərlə alır. Lakin özünü silahla təchiz etmək zərurəti ilə yanaşı, Tel-Əviv büdcə pullarını da ehtiyatla xərcləməlidir.

“F-22”nin ixracına qadağa İsrail hökuməti ilə birgə hazırlansa da, Vaşinqton belə qərara gəlib ki, həmin qırıcıları Tel-Əvivə məhdudiyyətsiz sata bilər.

Tarixən belə formalaşıb ki, İsrail yerüstü zərbələr endirə bilən təyyarələrə üstünlük verir, lakin “Raptor”un buna kifayət edəcək texniki imkanları yoxdur. O zaman İsrailin Müdafiə ordusu “F-15” qırıcılarını alıb və onları modernləşdirərək, çoxməqsədli bombardmançılara çevirib.

İranla qarşıdurma göstərir ki, HHQ uzaq məsafələrə zərbə endirmək tapşırığı ala bilər və belə olarsa, “B-52” ağır bombardmançıları köməyə gələcək.

Eyni zamanda, İsrailin ixtiyarında olan “F-15” və “F-16” qırıcıları əlavə yanacaq doldurulduğu halda İrandakı mövqeləri vura bilərlər, lakin məsafənin böyüklüyü onları pis vəziyyətdə qoyur. Bu səbəbdən də, düşmənin müdafiə etdiyi hava məkanına daxil olmaq üçün “B-21” uzaq məsafəli bombardmançı İsrail HHQ üçün cəlbedici variant ola bilər.

Bundan əlavə, İsrail bunkerlər əleyhinə özü nişan alan MOP raketlərinin alışında maraqlıdır ki, İranın gizli silah anbarlarını məhv edə bilsin. İsrail 10 ildir ki, bu silahı gözləyir, ABŞ isə hələ də bu cür raketləri israillilərə satmaqdan imtina edir.

Bu silahla bağlı əsas problem ondadır ki, İsrail ordusunun həmin raketləri hədəfə çatdırmaq üçün vasitələri yoxdur. Bundan əlavə, İsrailin İrana hava zərbəsi endirməsi ehtimalı ABŞ-ı elə də çox sevindirmir, çünki bu addım Yaxın Şərqdəki kövrək balansı poza bilər. Lakin Ağ Evin xarici siyasətindəki dəyişikliklər həmin qadağanın da aradan qaldırılmasına gətirib çıxara bilər.