Almaniyanın köklü sənaye müəssisələrindən biri olan “Venator Germany GmbH” 133 illik fəaliyyətindən sonra iflas üçün müraciət edib.

Duysburq və Krefeld-Uerdingen şəhərlərindəki iki fabriki ilə təxminən 700 nəfərə iş təmin edən şirkət, qəfil maliyyə böhranı nəticəsində iflas qoruması altına alınıb.

Maliyyə axını dayandı, iflas qaçılmaz oldu

İflasın əsas səbəbi kimi İngiltərə mərkəzli ana şirkətin maliyyə problemləri səbəbindən Almaniyadakı törəmə şirkətə dəstək verməkdən imtina etməsi göstərilir. Bu vəziyyət “Venator Germany”nin istehsal fəaliyyətlərini yalnız yerli resurslarla davam etdirməsini qeyri-mümkün edib. Gəlirlərin azalması və maliyyə öhdəliklərinin artması ilə birlikdə şirkət rəhbərliyi iflas məhkəməsinə müraciət edib.

Şirkətin həmkarlar ittifaqı nümayəndələri və rəhbərliyi işçilərə işlərinə fokuslanmaları üçün çağırış edib. İş təhlükəsizliyinə dair qeyri-müəyyənlik davam etsə də, rəhbərlik işçilərə belə mesaj verib: “Zəhmət olmasa, inamınızı və motivasiyanızı itirmədən işləməyə davam edin”.

Üç ay boyunca maaşlar dövlət tərəfindən ödəniləcək

İflas prosesi zamanı işçilərin zərər görməməsi üçün Federal İş Agentliyi (Bundesagentur für Arbeit) “iflas ödənişi” mexanizmini tətbiq edəcək.

Bu ödəniş sayəsində işçilərin maaşları 3 ay müddətinə təmin ediləcək.