Çin Milli Statistika Bürosunun açıqladığı məlumatlara görə, istehsalçı qiymətləri indeksi (Producer price index – PPİ) iyun ayında bir il əvvəllə müqayisədə 3,6 faiz azalıb.

İyun ayında Çində istehsalçı qiymətləri illik müqayisədə 3,6 faiz azalaraq, təxminən iki ilin ən böyük enişini qeyd edib.

Bu gün Çin Milli Statistika Bürosunun (NBS) açıqladığı məlumatlara görə, istehlak qiymətləri indeksi (CPI) iyun ayında keçən ilin eyni dövrü ilə müqayisədə 0,1 faiz artıb və bu, ardıcıl dörd aylıq enişdən sonra bərpanın ilk əlamətlərindən xəbər verir.

İqtisadçılar onun ötən ilin eyni dövrü ilə müqayisədə dəyişməz qalacağını gözləyirdilər.

Ərzaq və enerji qiymətlərini nəzərə almayan əsas CPI əvvəlki illə müqayisədə 0,7 faiz artaraq 14 ayda ən güclü yüksəlişini qeyd edib.

PPİ məlumatları gözlənilən 3.2 faizlik azalmadan daha pis oldu. PPİ 2022-ci ilin sentyabrından deflyasiya mərhələsindədir.

“Macquarie”nin Çin üzrə baş iqtisadçısı Larri Hu, “Güclü maliyyə stimulu olmadan, davam edən deflyasiya spiralından çıxmaq çətindir”, – deyib. İqtisadçı əlavə edib ki, son aylarda Çin ixracatındakı sürətlənmə Pekinin istehlakı stimullaşdırmaq istəyini qismən azaldıb.