“Putin 2023-cü ilə qədər burada olmayacaq”: Mi-6-nın keçmiş rəhbəri Ser Riçard Dirlov Rusiya prezidentinin uzunmüddətli müalicə üçün sanatoriyaya göndəriləcəyini deyib. Onun fikrincə, Rusiya liderinin səhhətinin ağır olması ilə bağlı davamlı şayiələri nəzərə alsaq, zorakı çevriliş olmadan “məsələni həll etmək” üsullarından biri onu uzun müddət xəstəxanada yatırmaq olardı.

“The Daily Mail” Dirlovun “One Decision” podkastındakı çıxışından sitat gətirir. “Düşünürəm ki, 2023-cü ildə o, sanatoriyaya gedəcək, amma yəqin ki, oradan Rusiya lideri kimi çıxmayacaq. Bu, Rusiya Federasiyasında dövlət çevrilişi olmadan irəliləmənin yoludur”, - deyə o, yekunlaşdırıb. Aprel ayında Putinin qalxanabənzər vəzi xərçəngindən əziyyət çəkdiyi və onun vəziyyətinə mütəxəssis həkim tərəfindən gecə-gündüz nəzarət edildiyi barədə məlumat yayılıb. Dirlov Rusiya prezidentinin müalicəyə göndəriləcəyi təqdirdə onun əvəzedicisi kimi Milli Təhlükəsizlik Şurasının katibi və Putinə yaxın olan“güc” rəhbərlərindən biri Nikolay Patruşevin adını çəkib.

Bu həftə sonu Mi-6-nın digər keçmiş casusu Kristofer Stil deyib ki, Putin səhhətinə görə hakimiyyətə nəzarəti itirir və Ukraynada müharibə davam etdikcə “artan qarışıqlıq və xaos içində” Kremli tərk edəcək. Vaxtilə Rusiyada Britaniya kəşfiyyatının agenti kimi çalışmış Stil 69 yaşlı Putinin müalicə üçün müntəzəm fasilələr verməli olduğunu və Moskvada faktiki olaraq “aydın siyasi liderliyin” olmadığını söyləyib. Rusiya liderinin vaxtilə COVİD pandemiyasına ifrat paranoya ilə reaksiya verdiyi, görüşlər zamanı dünya liderlərini böyük məsafədə saxladığı və ictimai görüşlərdən yayındığı bütün dünyada qeyd olunub. Bu davranış sağlamlığın zəifləməsi ilə izah edilə bilər.

Amma nəticədə bu o deməkdir ki, rus avtokratı iki ildən artıqdır ki, xalqla və xarici dünya ilə təmaslardan faktiki olaraq təcrid olunub ki, bu da yəqin ki, müvafiq qərarların qəbulu prosesinə mane olur. Mayın 14-də Ukraynanın hərbi kəşfiyyatının rəisi, general-mayor Kirill Budanov Putinin “çox xəstə olduğunu” deyib və sonra da dövlət çevrilişi planlarının artıq hazırlandığı fikrini irəli sürüb. Cənab Stil isə əlavə edib: "Biz başa düşürük ki, Kremldə qarışıqlıq və xaos böyüyür. Getdikcə xəstələnən Putində aydın siyasi liderlik yoxdur və hərbi baxımdan komanda strukturları lazım olduğu kimi fəaliyyət göstərmir".

Öz növbəsində, Putinin yüksək səviyyəli sözçüsü Dmitri Peskov diktatorun səhhətindəki problemləri dəfələrlə təkzib edib. Bu arada Lukaşenko Rusiya rəhbərliyinin ona həvalə etdiyi missiyanı tam yerinə yetirib. Lukaşenkonun tapşırığı sadə və artıq tanış idi: əsasən xarici və daxili müşahidəçilərə Putinin sağ olduğunu bir az göstərmək və “güclü əl sıxması” olduğunu söyləmək. Dünən Rusiya prezidenti Vladimir Putin Lukaşenko ilə “bir neçə saatlıq danışıqlar” aparıb və bu, yalnız rəsmi hissədir. Bundan əlavə, "saatlarla"  davam edən qeyri-rəsmi ünsiyyətə işarə etmək və nəticədə Putinin səhhətinin pis olması ilə bağlı "böhtan atan" xəbisləri məzəmmət etmək, göstərmək ki, baxın, ağır xəstə bir adam necə "bir neçə saatlıq danışıqlar apara bilər".

Xatırlatmaq yerinə düşər ki, bu görüşdən bir həftə əvvəl, bazar ertəsi, mayın 16-da Putin Lukaşenkonun da olduğu KTMT ölkələrinin liderləri ilə görüş keçirib və eyni zamanda Rusiya prezidenti Aleksandr Qriqoryeviçlə qırx dəqiqəlik təkbətək danışıqlar aparıb. Təcrübəsiz izləyici üçün yeni şəxsi görüş və “bir neçə saatlıq danışıqlar” tələb edən hansı aktual məsələlərin bir həftə sonra ortaya çıxması sirr olaraq qalır.

Fakt budur ki, hələ KTMT formatında görüşdən əvvəl də Lukaşenkoya Rusiya prezidenti ilə "bir neçə saatlıq danışıqlarda" iştirak etmək kimi ənənəvi xidmətə ehtiyac duyacağı bildirilmişdi, yeganə şey tarixin təxmini göstərilməsi idi. Mayın 16-da keçirilən görüş zamanı isə Putinin artıq planlaşdırılan cərrahi əməliyyatının zamanı dəqiqləşdirilmiş və Lukaşenkoya bir daha məlumat verilmişdi.

Dünən heç bir real danışıqlar olmayıb və onlara real ehtiyac da yox idi. Lukaşenko ictimaiyyətə Putinlə görüşün və şəxsi ünsiyyətin “əhəmiyyəti” rolunu oynayıb, bundan sonra o, vaxtının çox hissəsini darıxdırıcı keçirməli olub. Putinlə ünsiyyət ümumilikdə bir saata qədər çəkib. Lukaşenkonun Soçidəki “əziyyətinin” nəticələrinə əsasən, Putin ona həm mənəvi, həm də maddi dəstək vəd edib, lakin Lukaşenko bu xidmətə görə əslində nə qədər alacağına dair heç vaxt konkret cavab almayıb, yalnız lazım olanda əlaqə saxlayıb.