vaxtlı-vaxtında oxuyun! Cümə, 29 mart 2024
1 ABŞ dolları 1 USD = 1.7 AZN
1 Avro 1 EUR = 1.6977 AZN
1 Rusiya rublu 1 RUB = 0.0272 AZN
1 İngiltərə funt sterlinqi 1 GBP = 1.9671 AZN
1 Türkiyə lirəsi 1 TRY = 0.0914 AZN
Mustafa Kamal Atatürk (1881 - 1938)

«Türk oğlu əcdadını tanıdıqca, daha böyük işlər görmək üçün özündə güc tapacaq»

Mustafa Kamal Atatürk (1881 - 1938)
BANK, BİRJA, SIĞORTA  
09:43 | 10 oktyabr 2022 | Bazar ertəsi Məqaləyə 1195 dəfə baxılıb Şriftin ölçüsü Xəbərin şriftini kiçilt Xəbərin şriftini böyüt

Neft qiymətlərində sıçrayış gözlənilir

Dollar isə əksər valyutaları üstələyə bilər

MÖVZU İLƏ ƏLAQƏLİ

Bu həftə birjalarda hansı dəyişiklik gözlənilir? Valyutalar, neft-qaz və qiymətli metal dünya bazarında hansı dəyişikliklərlə qarşılaşacaq? Birjalardakı son vəziyyət “İnvestisiya Şirkəti”nin təqdimatında...

Avro

Ötən həftənin cümə günü əmək bazarına dair statistik göstəricilərin artımla açıqlanması, eləcə də FED-in iqtisadiyyatın zəifləməsinə baxmayaraq, yüksək inflyasiyanın qarşısını almaq üçün sərt monetar siyasəti davam etdirməsi və cari həftənin cümə axşamı dərc olunacaq inflyasiya göstəricilərinin yüksək proqnozlaşdırılması fonunda dollar indeksi yenidən bahalaşır. İnflyasiya göstəriciləri proqnozlaşdırılan kimi yüksək  açıqlanarsa, avro 0.96 dollara kimi ucuzlaşa bilər.

 

Funt-sterlinq

Bu həftə İngiltərədə açıqlanacaq əmək bazarı və ÜDM göstəriciləri iki valyuta cütlüyündəki tendensiyanın gedişatında həlledici rol oynaya bilər. Göstəricilər zəif açıqlanar və dollar indeksindəki yüksəliş davam edərsə, funt dollar qarşısında 1.08 dollara kimi ucuzlaşa bilər.

 

Lirə

Ötən həftə 18.60 hədlərinə kimi yüksələn dollar-lirə məzənnəsi tarixi maksimumlarını yenilədi. Türkiyə iqtisadiyyatı üzərində artan təzyiqlər fonunda dollar cütlüyü 19.0000 hədlərinə kimi bahalaşa bilər.

 

Neft

“OPEC+”-un ABŞ-ın qlobal neft qiymətlərini aşağı saxlamaq cəhdlərinə cavab olaraq, neft hasilatını azaltmaq qərarından sonra, dolların möhkəmlənməsinə baxmayaraq, cümə günü 5 həftənin ən yüksək səviyyəsinə yüksələn neft qiymətləri gündəmdə qalmaqda davam edir. 100 dollarlıq psixoloji hədd yuxarıya doğru qırılarsa, artım tendensiyası daha kəskin xarakter ala bilər.

 

Qızıl

Ötən həftə 1730 dollara kimi bahalaşan qızıl burada müqavimətlə qarşılaşaraq yenidən 1695 dollara kimi ucuzlaşdı. Dollar indeksindəki yüksəliş davam edərsə, qiymətli metalın bir unsiya üzrə dəyəri yenidən 1620 dollara kimi düşə bilər.