Qızıl Çinin tətildən qayıtmasından sonra artan tələblə bahalaşıb. Qiymətli metal dünən təxminən 3 faiz bahalaşdıqdan sonra qazancını genişləndirdi. Dünyanın ən böyük qızıl alıcısı olan Çin beş günlük tətildən sonra bazara qayıtması ilə tələbin artması dolların möhkəmlənməsinə baxmayaraq qiymətlərin artmasına səbəb olub.

Qızıl külçə 1,6 faiz artaraq bir unsiya üçün 3,387 dolları ötüb. İnvestorlar qızılın rekord səviyyələrə çatdığını görən yüksəlişin hələ də davam edə biləcəyinə inanaraq almağa davam edirlər.

“Phillip Nova” analitiki Priyanka Saçdeva, “Çinin bu səhər yenidən açılması ilə alış imkanları axtaran investorlar bazara qayıdıblar. Bununla belə, güclü dollar qızılın qiymətini aşağı sala bilər”, – deyib.

Qızılın təhlükəsiz sığınacaq statusu ABŞ prezidenti Donald Trampın sərt ticarət siyasətinin səbəb olduğu bazardakı xaosla yenidən güclənib. Trampın idxala geniş rüsumlar tətbiq etməsi və sonradan dayandırması dolların ənənəvi təhlükəsiz sığınacaq rolunu zəiflətdi və investorları ABŞ-dan kənar aktivlərə müraciət etməyə sövq etdi.

Qiymətli metal bu il indiyədək 25 faizdən çox dəyər qazanaraq, aprel ayında bir unsiya üçün 3500 dollardan çox rekord həddə çatdı, lakin son həftələrdə bir qədər gerilədi. Bu yüksəlişə ticarət müharibələri nəticəsində investorları əsəbiləşdirən, Çində spekulyativ alışlar və mərkəzi bankların qızıl alışları səbəbindən təhlükəsiz sığınacaqlara artan tələb səbəb olub.

Sinqapur vaxtı ilə Saat 12:28-də spot qızıl 0,8 faiz artaraq bir unsiya üçün 3,359,61 dollar olub. Bu artım, ABŞ-da xidmət sektorunun aprel ayında sürətləndiyini göstərən məlumatlardan sonra dollar indeksinin yüzdə 0,2 artmasına baxmayaraq meydana gəldi. Gümüş, palladium və platin də dəyər qazanıb.