Gümüş ticarəti ilə məşğul olan birjalarda yeni rekordlar qeydə alınır. Hətta dünənki satışlarda iki böyük birja arasında qiymət uçurumu yaranmışdı. Hazırda gümüşün unsiyası 51,8 dollar səviyyəsində ticarət olunur.

Vaxt.az “Bloomberg”ə istinadən xəbər verir ki, ticarət müharibələri, artan risklər və birjalardakı yüksəliş dalğası fonunda aparıcı investisiya banklarının 2025 və 2026-cı illər üzrə gümüş proqnozlarını toplayıb. Beləliklə, bankların bu ilin və gələn ilin sonları üçün bir unsiya gümüşün qiymət proqnozlarını təqdim edirik:

“JP Morgan”

2025-ci ilin sonu: 42,2 dollar

2026-cı ilin sonu: 46,2 dollar

Qısamüddətli korreksiya, ardınca təkrar yüksəliş gözlənilir.

“Peel Hunt LLP”

2025-ci ilin sonu: 47,5 dollar

2026-cı ilin sonu: 40 dollar

Britaniya mənşəli broker şirkətinə görə, gümüş 2026-da daha sərt geriləyə bilər.

“Bank of America Merrill Lynch” (BoA)

2025-ci ilin sonu: 40 dollar

2026-cı ilin sonu: 45 dollar

“BoA” qiyməli metalda dalğalı lakin sabitləşən bir bazar proqnozlaşdırır.

“Standard Chartered”

2025-ci ilin sonu: 35 dollar

2026-cı ilin sonu: 38,5 dollar

Bank gümüş üçün ən kəskin azalma ssenarisini təqdim edir.

“UBS”

2025-ci ilin sonu: 52 dollar

İsveçrə bankı qiymətin 50 dolların üzərində qalacağını gözləyir.

“Citibank”

2025-ci ilin sonu: 55 dollar

“Citi” qiymətli metalda ən nikbin proqnozu irəli sürərək, qiymətin rekord səviyyəyə çata biləcəyini bildirir.

***

“Bloomberg”in analizinə əsasən gümüşdə 2025-ci ilin ikinci yarısında eniş, 2026-cı ildən etibarən isə bərpa gözlənilir.

Bütün bu proqnozlar fonunda, analitiklər geosiyasi risklər və FED-in faiz siyasətinin qiymətli metallar üçün həlledici rol oynayacağını vurğulayırlar.

Qısacası, bazarlar üçün qiymət yüksəlişi hələ tam bitməyib, lakin 2025-də müvəqqəti soyuma dövrü istisna edilmir.