Gündəlik həyatda geniş istifadə olunan avro əskinaslarında tarixi dəyişiklik başlayır. Avropa Mərkəzi Bankı (AMB) 5 ilə 100 avro arasında olan əskinasların dizaynını tamamilə yeniləyir.

AMB 2021-ci ildən həyata keçirdiyi dizayn dəyişikliyi layihəsi çərçivəsində 5, 10, 20, 50 və 100 avroluq əskinasları dövriyyədən mərhələli şəkildə yığışdırmağa hazırlaşır. Onlar yeni mövzularla işlənmiş, daha müasir və mənalı əskinaslarla əvəz olunacaq.

***

Bu dəyişiklik vətəndaşların gündəlik həyatlarında tez-tez istifadə etdikləri cari valyutaları əvəz edəcək və dizayn baxımından böyük fərqləri ehtiva edəcək. Lakin bu transformasiya pulun necə istifadə olunmasına birbaşa təsir göstərməyəcək.

Yeni əskinaslarda kimlər və nələr olacaq?

Yeni avro əskinaslarında iki əsas mövzu yer alacaq. Birinci mövzuda Avropanın mədəni irsini əks etdirən mühüm tarixi şəxsiyyətlər yer alacaq. Bu adlar arasında Leonardo da Vinci, Mariya Küri, Mişel de Servantes və Lüdviq van Bethoven kimi şəxsiyyətlər var.

Əskinasların arxa tərəflərində gündəlik həyatdan səhnələr əks olunacaq: dəsr mühiti, muzey ziyarətləri və ictimai meydanlar görüntülənəcək.

İkinci mövzu Avropanın təbii gözəlliklərini vurğulayacaq. Quş növləri ilə yanaşı (məsələn, martin balığı, leylək, arı yeyən, ispinoz) Avropa Birliyi qurumları – Avropa Parlamenti, Avropa Komissiyası, Avropa Mərkəzi Bankı və Avropa Ədalət Məhkəməsi də əskinas dizaynlarında yer tapacaq.

***

Bu dəyişiklik sadəcə vizual yenilik deyil. Eyni zamanda məqsəd Avropanın kimliyini daha yaxşı əks etdirən əskinasların yaradılması və vətəndaşlarla emosional bağ yaratmaqdır.

Yeni dizaynlarla AMB həm əskinasların təhlükəsizliyini artırmaq, həm də cəmiyyətin müxtəlif təbəqələrinin daha çox təmsil olunmasını təmin etmək məqsədi daşıyır.