ABŞ-ın cənubunda güclü fırtına baş verib. Missisipi qubernatoru Teyt Rivz sosial media hesabında əyalətdəki əlverişsiz hava şəraiti səbəbindən 2 nəfərin həyatını itirdiyini paylaşıb. Yerli media bir nəfərin elektrik naqilinin aşması, digərinin isə ağacın avtomobilinin üzərinə aşması nəticəsində öldüyünü bildirib.

Oklahoma ştatında beş, Luiziana ştatının Caddo Pariş şəhərində iki, Texas ştatının İrvinq şəhərində bir tornado baş verib. Şiddətli fırtınalar yağışa səbəb olduğu üçün avtomobillər aşıb, binaların damları uçub. “PowerOutage.us”ın məlumatına görə, Texasda 178 mindən çox, Luizianada 23 minə yaxın, Missisipidə 18 min, Alabamada 88 minə yaxın, Oklahomada 16 min və Tennessidə 23 mindən çox ev elektriksiz qalıb. Milli Hava Xidməti xəbərdar etdi ki, küləklərin sürəti 113 km/saata çatan və Missisipi və Luizianadan keçən küləklərlə Alabama istiqamətində hərəkət edən fırtına daha çox kəsintilərə səbəb ola bilər.

***

“FlightAware.com” uçuş izləmə saytına görə, ölkə üzrə 500-dən çox reys də ləğv edilib.

***

Əlverişsiz hava şəraiti ABŞ-a təsir etməkdə davam edir.

Elektrik enerjisinin kəsilməsini izləyən “PowerOutage” saytı ölkənin mərkəzi və cənub-şərq bölgələrində 200 mindən çox insanın işıqsız qaldığını bildirib. Şimali Karolina və Cənubi Karolinanın bəzi hissələri tornado ehtimalına hazırlaşmaq üçün xəbərdarlıq edilib.

Meteoroloqlar həftəsonuna kimi leysan yağışların ölkənin qərb rayonlarına da təsir göstərə biləcəyinə diqqət çəkiblər.

Nebraska ştatında rəsmilər görmə qabiliyyətini məhdudlaşdıran küləklər səbəbindən qeyri-vacib səyahətlərdən çəkinməyi tövsiyə ediblər.