Şantel Vulston qarın gərmə əməliyyatından sonra peşman olduğunu bildirib və "kaş ki, kökəlmək istərdim" dedi.

Türkiyədə plastik əməliyyat keçirən iki uşaq anası Şantel Vulston daha rahat olduğu üçün əməliyyatı İstanbulda etmək qərarına gəlib. Mədə kiçiltmə əməliyyatı keçirən Vulston xeyli çəki itirib. Amma sallanan dəridən qurtulmaq üçün 7 min funt-sterlinqə qarın gərmə əməliyyatı etdirib.

Lakin o, əməliyyatdan sonra nəticə əldə etmədiyini iddia edib. Dərisinin sərtləşdiyini və hərəkət qabiliyyətinin məhdudlaşdırıldığını bildirən Şantel, “Mədəm blok kimidir. Artıq böyrü üstə uzana bilmirəm, hətta maşınıma minməkdə çətinlik çəkirəm”, – deyib.

Yaşadığı ağrı, deformasiya və estetik olmayan nəticələrə görə əməliyyatdan sonra peşman olduğunu bildirərək, “Kök bədənimlə daha yaxşı idim”, – dedi. Şantel əməliyyatdan əvvəl kifayət qədər araşdırma aparmadığını deyib və plastik əməliyyatı düşünən hər kəsi iki dəfə güvənməyə çağırıb.

Klinika açıqlamasında sağalma prosesinin insandan insana dəyişdiyini və müvəqqəti şişkinliyin normal olduğunu bildirib. Onlar Şantelə dəstək verməyə hazır olduqlarını da bildiriblər.