Mayamiyə plastik əməliyyat etdirməyə gedən gənc ana vəfat edib. Gənc qadının ölümü plastik əməliyyatdan 1 gün sonra baş verib.

Sosial media yazıları Amonik Millerin “Brazilian Butt Lift” (BBL) əməliyyatından keçdiyini göstərir, bu prosedura qarın, bud və omba nahiyəsindən yağların ölçüsünü artırmaq üçün ombalara köçürülməsini nəzərdə tutur.

Son dövrlərdə məşhurlaşan bu əməliyyat piy hüceyrələrinin qana keçərək ağciyərlərə, ürəyə və ya digər orqanlara çatması nəticəsində ciddi laxtalanmalara və ölümə səbəb olan piy emboliyası riski daşıdığı üçün təhlükəli əməliyyatlardan biridir.

Millerin bacısı Barnes, ona verilən dərmana mənfi reaksiya nəticəsində öldüyünü deyib.  Onlar iki fərqli həkim tərəfindən əməliyyat olunub. Ancaq xəstələrə adətən ağrıkəsicilər verildiyi deyilsə də, Millerin ölümünə hansı dərmanın səbəb olduğu dəqiq məlum deyil.

Ailə indi Millerin ölüm səbəbini müəyyən etməyə kömək edəcək toksikoloji hesabatı gözləyir.

Ailənin vəkili Frantz MakLorens Millerin ona reseptsiz ağrıkəsicilər verdiyini və bunun onun ölümünə səbəb olduğunu iddia etdi.