Rusiyanın cənubundakı Kuban bölgəsindəki Armavir Hərbi Aviasiya Məktəbində kursantların həyatına sui-qəsd cəhdi ilə bağlı cinayət iş yekunlaşıb. Məhkəmə hadisənin səbəbkarı kimi mühakimə olunan Yeqor Semyonovla bağlı qərarını açıqlayıb.

Hadisə 2023-cü ilin oktyabrında məktəbin 20-ci il məzun törənində baş verib. Məktəbə bayramı qeyd etmək üçün nəhəng tort göndərilib. Lakin tortu kimin göndərdiyi məlum olmadığından kursiantlar tortu yeməzdən əvvəl şübhələnib və araşdırmaya başlayıblar. Tort kəsilsə də, yeyilməyib, beləliklə, bir fəlakətin qarşısı alınıb.

***

Müəyyən edilib ki, çatdırılmanı həyata keçirən kuryer tortu buraxdıqdan dərhal sonra Armavirdən çıxıb və təyyarə bileti alıb. Təhlükəsizlik qüvvələrinin çevik müşahidəsi nəticəsində hadisəni törədənin Melitopolda doğulmuş Yeqor Semyonov olduğu müəyyən edilib. Semyonov oktyabrın 21-də Stavropol hava limanında tutularaq saxlanılıb.

İstintaq zamanı məlum olub ki, Semyonov 2022-ci ildə Ukrayna kəşfiyyat orqanları tərəfindən agent kimi işə götürülüb və ona 400 min rubl qarşılığında kursantları öldürmək tapşırığı verilib.

İttiham tərəfi təqsirləndirilən şəxsin ağırlaşdırılmış ömürlük həbs cəzasına məhkum edilməsini istəyib. Lakin məhkəmə Semyonovu 27 il müddətinə ciddi rejimli cəzaçəkmə müəssisəsində cəzalandırıb.

Hadisə Rusiyanın hərbi qurumlarındakı təhlükəsizlik zəifliyinə diqqət çəksə də, istintaqın Ukrayna ilə əlaqələri olan daha geniş kəşfiyyat şəbəkəsini əhatə edə biləcəyi bildirilir.