Qəzza zolağında saxlanılan girovların azad edilmədiyi ssenaridə Tramp “HƏMAS” üçün “ölüm” təhdidini səsləndirib. ABŞ prezidenti Donald Tramp çərşənbə günü sosial şəbəkədəki paylaşımında HƏMAS-a son xəbərdarlığını bildirərək və onu Qəzzada 15 aydan artıqdır ki, saxlanılan girovları azad etməyi tələb edib.

Tramp “Truth Social” platformasında “HƏMAS” terror təşkilatına səslənərək, “Bütün girovları sonra deyil, dərhal azad edin və öldürdüyünüz bütün insanların cəsədlərini dərhal qaytarın. Yoxsa hər şey sizin üçün bitdi”.

“Yalnız xəstə və azğınlar meyitləri gizlədir, siz isə xəstə və azğınsınız”, – o əlavə edib.

“HƏMAS” terror təşkilatı ilə mübarizə aparmaq üçün İsrailə hər şeyi göndərəcəyini vəd edən ABŞ prezidenti, “Dediklərimi etməsəniz, heç biriniz təhlükəsizlikdə olmayacaq”, – dedi.

Tramp, “HƏMAS” təşkilatına Qəzzanı tərk etmək üçün “son şansı” təklif edərkən, “sizi gözəl gələcək gözləyir, amma girovlar təhvil verilmədikcə öləcəksiniz”.

Son epizodda Tramp yenidən çağırış edərək, “İndi girovları azad edin, yoxsa çox pis olacaq”, – deyib.

ABŞ prezidentinin bəyanatı çərşənbə axşamı “Qəzza” planının Ərəb Liqası liderləri tərəfindən “rədd edilməsindən” sonra verilib.

Fevral ayında Tramp Ağ Evdə İsrailin baş naziri Binyamin Netanyahunu qəbul edərkən ABŞ-ın Qəzza zolağına nəzarəti “daimi” ələ keçirəcəyini və onu “yenidən quracağını” açıqlamışdı.

Ərəb Liqasının Qahirədə keçirilən sammitində Misirin 53 milyard dollarlıq planı təsdiqləndi, “HƏMAS” nəticəni “alqışladı”, İsrail isə bu qərarı rədd etdi.

ABŞ hökuməti də ərəb ölkələrinin birgə qərarını müsbət qiymətləndirib, lakin HƏMAS-ın Qəzzada qala bilməyəcəyini vurğulayıb.

Misir prezidenti Əbdülfəttah əs-Sisi ərəb ölkələri arasında Fələstin xalqının sürgün edilmədən Qəzzada qalmasını təmin etmək və bölgənin yenidən qurulmasına dəstək vermək üçün əldə edilən razılaşmadan məmnunluğunu ifadə edib.

Sisi sammitdən sonra sosial mediada paylaşım edərək, “Biz bu planın uğurunu təmin etmək üçün beynəlxalq ictimaiyyətdən hər cür fikir və təklifə açığıq. Bunun böyük bir sülh planı ilə birlikdə həyata keçirilməsi lazımdır”, – deyib.

***

Ərəb Liqası ölkələri tərəfindən təsdiqlənən plan 2030-cu ilə qədər Qəzzanı yenidən qurmaq və 2 milyon insanı yerində saxlamaq məqsədi daşıyır.

Planın birinci mərhələsi partlamamış hərbi sursatların təmizlənməsi və İsrailin bombardmanlarından qalan 50 milyon tondan çox dağıntının çıxarılması məqsədi daşıyır.

Ərəb Liqasının baş katibi Əhməd Əbu Qeyt bildirib ki, sammitin yekun bəyannaməsində BMT Təhlükəsizlik Şurası Qəzza və İordan çayının qərb sahilində beynəlxalq sülhməramlı qüvvələr yerləşdirməyə çağırılıb.

Bəyannaməyə əsasən, Misir Qəzzanın yenidən qurulması üçün BMT ilə birgə beynəlxalq konfransa ev sahibliyi edəcək və burada Dünya Bankının nəzarətində olan fond yaradılacaq.

Plan yaxın illərdə Qəzzanın “davamlı, yaşıl və yaşamaq üçün əlverişli” bölgəyə çevrilməsini, bərpa olunan enerji mənbələri ilə sənaye zonaları və parkların yaradılmasını nəzərdə tutur. Bundan əlavə, liman və hava limanının tikintisi nəzərdə tutulur.

***

“HƏMAS” terror təşkilatının İsrailin cənub sərhədlərini keçərək 251 nəfəri girov götürdüyü qətliamında 1200-dən çox insan həlak olub.

Bu şəxslərdən 127 nəfəri birinci və ikinci atəşkəs razılaşmaları zamanı azad edilib.

İsrail atəşkəs əldə olunana qədər 40 nəfərin cəsədini girov götürüb. Əməliyyatlar zamanı sağ-salamat xilas edilən girovların sayı 8 nəfər olub.

Fevralın 7-də Qəzza zolağında sağ və ya ölü olduğu güman edilən girovların sayı 76 nəfər olub. HƏMAS müxtəlif tarixlərdə 34 girovun öldürüldüyünü açıqlayıb.

Sağ qalan girovlar arasında ana və onun iki azyaşlı uşağı, 13 əsgər və beş qeyri-İsrail vətəndaşı (üç Tayland, biri Nepal və bir Tanzaniya) var.

Son halda “HƏMAS” terrorçularının 19 İsrail əsgərini girov saxladığı düşünülürdü. Ancaq yalnız 13 əsgərin sağ olduğu məlumdur. Altı əsgər barədə heç bir əlamət yoxdur.

Bundan əlavə, 2014-cü ildə, 7 oktyabr terrorundan əvvəl Qəzzada öldürülən bir İsrail əsgərinin və 2014-2015-ci illərdə Qəzzaya girən və sağ olduğu düşünülən iki İsrail vətəndaşının cəsədinin də orada saxlanıldığı təxmin edilir.