Unudulmaz cizgi filmi Pokemon serialının sevilən personajı əjdaha Çarizarda bənzəyən çipsi hərracda 87 840 dollara satılıb.

“Goldin” hərrac evi bu qəribə məzənin bazar günü satıldığını açıqladı: “Təklif olunan məhsul Pokemon əjdahası Çarizard şəklində 7,6 sm uzunluğunda “Flamin Hot Cheeto”dur. Xüsusi bir Pokemon kartında sabitlənmiş və şəffaf kart saxlama qutusuna yerləşdirilmişdir. İlk dəfə 2018-2022-ci illər arasında “1st & Goal Collectibles” tərəfindən kəşf edilmiş və qorunub saxlanılmışdır. 2024-cü ilin sonunda sosial media platformalarında böyük diqqət görüb”.

“Listinq” məlumatlarına görə, bu unikal çips üçün 60 təklif edilib. Qalib gələn təklif 72 000 ABŞ dolları olub, alıcının mükafatı əlavə edilib və ümumi qiyməti 87 840 dollara çatdırıb.

Pokemon, 1996-cı ildə Yaponiyada yaradılmış və bütün dünyada böyük populyarlıq qazanmış, "Cib Canavarları" üçün qısaldılmış media françisidir. Bu françis video oyunlar, cizgi filmləri, filmlər, kart oyunları, oyuncaqlar və s. daxildir.

Pokemon dünyasında oyunçular və personajlar müxtəlif canlıları tutub məşq edir və onlardan virtual döyüşlərdə istifadə edirlər. Bu canlılar müxtəlif növ və qabiliyyətlərə malik ola bilər. Pokemonun əsas mövzusu bu canlıları tutmaq, onları öyrətmək və digər Pokemon təlimçiləri ilə mübarizə aparmaqdır.